Public School (Vaeinigts Kinireich)

A Public School oda Independent School is im Vaeinigtan Kinireich a Schui, de ned duach stootliche Stejn, sondan stottdessn duach Schuigebiahn, Spendn und Vamächtnisse finanziat wead.

De ejdastn vo dena Eihrichtunga woan dozua bstimmt, begobtn Kindan unobhängig vom Eihkumma vo de Ejtan a Schuibuidung z vamiddln. Dohea stommt de Bezeichnung Public School. Nem de so gfeadatn Schuia (de oftmois a kloane Mindaheit on iahra Schui buidn), wean zoihnde Schuia afgnumma, dean Ejtan teiweis eaheblichs Schuigejd zoihn.

Unta ana Public School im engan Sinn vasteht ma im Vaeinigtn Kinireich a Schui, de entsprechnd'm Public Schools Act vo 1868 gfiaht werd. Vom Public Schools Act vo 1868 is af Grundlog vo de Untasuachunga vo da Clarendon Commission in de Joarn 1861 bis 1864 vom britischn Parlament a Gruppn vo nein Schuin betroffn worn. As Gsetz hod diese Schuin refoamian und regulian soin. De Schuin san alloa Buam offn gstondn und woan uaspringli ois Stiftunga grindt worn. Se wean ois "Public" School bezeichnt, do se ned nua Schuia vo oam bstimmtn geografischn Gebiet afgnumma hom und de Afnohm aa ned af Oghearige vom Adl bschränkt woa. Obwoih de Schuin aus woihtätign Stiftunga entstondn san, eahem se olle Gebiahn fia'n Untaricht und de Untabringung vo de Schuia. As Gsetz reglt, doss de Schuin ned direkt da (Schui-)Gsetzgebung oda da Krone untastejt san, sondan se wean jeweis duach a Board of Governors reguliat.

De nein vom Gsetz betroffna Schuin woan:

• Charterhouse School
• Eton College
• Harrow School
• Merchant Taylors’ School
• Rugby School
• Shrewsbury School
• St Paul's School
• Westminster School
• Winchester College

Quejn

• Colin Shrosbree: Public schools and private education. The Clarendon Commission, 1861–64. Manchester University Press, Manchester u. a. 1988, ISBN 0-7190-2580-X, (Einsehbar bei Google Books).
• An Act to make further Provision for the good Government and Extension of certain Public Schools in England. In: A collection of the public general statutes passed in the Thirty-first and Thirty-second years of the reign of Her Majesty Queen Victoria: Being the Third Session of the Nineteenth Parliament of the United Kingdom of Great Britain and Ireland. Georg Edward Eyre and William Spottiswoode, London 1868, S. 560–571, (Einsehbar bei Google Books).
• An Act for Amending the Public Schools Act 1868. In: The statutes of the United Kingdom of Great Britain and Ireland, passed in 1868 – 9. Georg E. Eyre and William Spottiswoode, London 1869, S. 190, (Eihsehboa bei Google Books)