Kawatan na pangkitoan

An mga kawatan na pangkitoan iyo an sarong instrumentong linikha tanganing paurogon an pantawong kasiraman na sekswal, siring kan dildo o vibrator. Idinisenyo an kadaklan sa mga kawatan na pangkitoan na ini tanganing magin kaagid sa mga organong sekswal nin mga tawo asin mapupwedeng maghiro o dai. Mapupwede man ibali sa termino ini an mga aparatong BDSM asin kagamitan na pangkitoan siring kan mga sakbat, alagad bakong sakop kaini an pagpugol sa pangangaki, pornograpiya, o mga condom. Kabilang sa mga alternatibong apod digdi iyo an kawatan na panggurang asin tabang sa mga mag-agom. Laen sa enot na naunambitan, urog na mahiwas an sakop kan tabang sa mag-agom asin ginagamit na nanonongod sa mga droga asin tinanom na pinapabakal tanganing bakong suboot urog na mapasiram asin mapahalaba an pagkikitoan. Parating pinapabakal sa tindahan na pangkitoan an mga kawatan na pangkitoan.

Sarong koleksyon nin mga kawatan na pangkitoan

Industriya

Kaidtong 2008, an industriya kan kawatan na pangkitoan nagkakahalaga nin US$15 bilyon sa bilog na kinaban, igwa nin rikas na pagtalubo nin 30%. Pitompulong porsyento nin kawatan na pangkitoan an prinodusir kan Tsina. Ipinabakal an mga kawatan pangkitoan sa manlaenlaen na klase nin lokal asin onlayn sex shops, sa mga kombensyon na asosyado sa adultong industriya, asin sa mga parties. Minsan siring, an ibang item, siring kan "hand-held massagers", ipinapabakal sa mainstream retail outlets siring kan mga botika.