Taro
An taro iyo an pulot na nahahaman kan mga alimbubuyog na kaayon sa genus na Apis. Ini makukua sa laog kan tataghan kan mga alimbubuyog asin nahahaman asin napoprodusir ini kan sarong glandula sa hawak kaini. An mga trabahador sa anira tinitipon ini asin ginagamit sa pagtugdok nin mga pitak sarayan kan tangguli sa anira asin kwenta pamatos sa mga larba kan alimbubuyog. Sa saro man na adal, sa lambang 100 na librang tangguli na ginugusi, saro sana o duwang librang taro an napapaluwas.[1]
Inaapod man ini sa Espanyol na 'cera de abeja' o 'manteca de papel'.
An taro sa enot na pag'olsit, kolor puting kristal pero nakolor na giyaw o bulaw-bulaw, o pwede man ining narangha o kayumanggihon depende sa nahihigop na nektar kan alimububuyog sa mga burak kan tinanom.[2]
An taro may pakinabang sa tawo ta ini nagagamit na pansalak o pagtaong namit sa kakanon, ingrediente sa pampagayon o bulong sa kublit, pampahalnas sa mga koreo nin makinarya o sa torsido sa pagtahi asin pangporma nin mga pigura arog kan mga pigurang mahihiling sa museong taro ni Madame Tussauds.[3][4]
Toltolan
baguhon- ↑ http://www.rachelssupply.com/bwax.htm Archived 2016-05-31 at the Wayback Machine. Kinua 24-6-16
- ↑ http://www.rachelssupply.com/bwax.htm Archived 2016-05-31 at the Wayback Machine. Kinua 24-6-16
- ↑ https://morenature.com/collections/beeswax Archived 2016-06-04 at the Wayback Machine. Kinua 24-6-16
- ↑ http://www.rachelssupply.com/bwax.htm Archived 2016-05-31 at the Wayback Machine. Kinua 24-6-16
