Agra Fort

An Agra Fort sarong historikal na kuta sa siyudad nin Agra, asin inaapod man na Red Fort sa Agra. An emperador na si Humayun kinoronahan sa kutang ini. Kan huri ini pighirahay kan emperador nin Mughal na si Akbar poon 1565 asin an presenteng estruktura nahaman kan 1573. Ini bilang mayor na residensya kan mga namamahala sa dinastiyang Mughal sagkod 1638, kunsoarin an kapitolyo pighira gikan sa Agra paduman sa Delhi. Midbid man bilang "Lal-Qila" o "Qila-i-Akbari". Bago madakop kan mga Briton, an ultimong namamahala sa India na sinakop ini iyo an mga Maratha. Kan 1983, an kuta nin Agra nagin sarong World Heritage Site kan UNESCO huli sa kahalagahan kaini durante kan Dinastiyang Mughal. Ini nasa 2.5 kilometro ini (1.6 mi sa norte-subangan kan mas bantog na monumento kaining tugang, an Taj Mahal. An kuta mas eksaktong ikalaladawan bilang sarong siudad na may lanob. Ini huri pighirahay ni Shah Jahan.

Arog kan ibang parte nin Agra, bakong malinaw an kasaysayan nin Agra Fort bago magsakyada si Mahmud kan Ghazni. Kan ika-15 na siglo, pigsakop ini kan mga Chauhan Rajputs. Pakatapos, an Agra nagsangli sa pagigin kabisera kan ibalyo ni Sikandar Khan Lodi (1487-1517 CE) an saiyang kabisera hale sa Delhi asin nakagibo nin pirang edipisyo sa preeksistihing kuta sa Agra.  Kan enot na ralaban nin Panita (1526 CE), si Mugbal an nakua an kuta asin namahala diyan. Kan 1530 CE, kinoronahan diyan si Humayun. An kuta pinagpahiling sa presente durante kan pagreynar ni Akbar (1556 - 1605 CE). Kan huri, an kutang ini nasa pamamahala ni Jats kan Bharathpur sa laog nin 13 taon.