Bungang-saldang

An 'bungang-saldang resulta kan sobrang pagbalad sa saldang. Apektado kaini iyo an buhay na tisyu siring kan kublit na nadadangdang kumbaga sa radiasyon ultraviolet naghahale mismo sa saldang. Sintomas kaini sa mga tawo asin mga hayop iyo an namumulang kublit na maharatihit sa duta o sa hapros, makulog, asin pati may dara pang pagkaribong namamamate kan nanganganaan sa pagkabalad. Sa labis na pagkabalad sa saldang pwedeng magtaong peligro sa buhay. An bakong masyadong pagkabalad maresulta sana sa sinasabing suntan o "pangingitom" kan kublit.

Ludogludog resulta kan sobrang pagbalad

Pagbabaklas kan ibabaw nin kublit

Sobrang nabalad na hawak nin babae

Pangana' na radiasyon sa ultraviolet iyo an primeramenteng kawsa kan mga ludog sa kublit na totoo bako man madarang peligro. Pantahob sa saldang asin proteksyon sa kublit iyo an pang'ulang sa posiblerng kanser nin kublit. An pagsu'lot nin bado asin kupya' iyo an simpleng gamit pamproteksyon sa bungang-saldang. An bakong sobrang pagbalad natao man nin proteksyon sa sunod na pagkabalad huli ta nadagdagan kan inaapod na melanin, na nasagang sa sobrang pagkasulo kan kublit.

Mga iba pang sintomas asin tandaan nin pagkabalad

Sa pagkasulo kan kublit dara sa pagbalad, iyo an pangtutubig kan mga ludog (nagliliptok), paggagatol, pagbabaklas kublit, hiras, kalentura, pantatakig, asin pagkawarang malay. Saro pa, nanginginit an parte kan kublit na nasulo sa balad saldang gibo kan konsentrasyon kan dugo sa prosesong pag'uumay kan nasulo. An pagkasulo kublit o bungang-saldang pwedeng pahamraw, o mahibog na pagkasulo kan kublit.