Buzz Aldrin
Si Buzz Aldrin (/ˈɔːldrɪn/; namundag Edwin Eugene Aldrin Jr.; Enero 20, 1930) sar0ng Amerikanong dating astronauta, enhinyero asin pilotong panggera. Siya nakatolong lakaw-espasyo bilang piloto kan 1966 Gemini 12 na misyon. Komo Lunar Module Eagle na piloto sa 1969 Apollo 11 na misyon, siya asin an kumander nin misyon na si Neil Armstrong iyo an enot na duwa katawo nakatongtong na sa Bulan.
| Buzz Aldrin | |
|---|---|
 Aldrin kan 1969 | |
| Kamundagan | Edwin Eugene Aldrin Jr. Enero 20, 1930 Glen Ridge, New Jersey, U.S. |
| Kamugtakan | Retired |
| Iba pang mga ngaran | Dr. Rendezvous |
| Alma mater | |
| Trabaho | |
| Mga gawad | |
| Space career | |
| NASA astronaut | |
| Rank | Colonel, USAF |
Time in space | 12 days 1 hour and 53 minutes |
| Selection | NASA Astronaut Group 3 |
Total EVAs | 4 |
Total EVA time | 7 hours 52 minutes |
| Missions | |
Mission insignia |   |
| Retirement | July 1, 1971 |
| Mga aki | 3 |
| Lagda |  |
| Karera sa siyensya | |
| Thesis | Line-of-Sight Guidance Techniques for Manned Orbital Rendezvous (1963) |
| Doctoral advisors |
|
| Websityo | |
| buzzaldrin | |
Namundag sa Glen Ridge, New Jersey, si Aldrin naggradwar ikatolo sa klase 1951 United States Military Academy sa West Point, na may degree sa mechanical engineering. Siya nakalaog sa United States Air Force, asin nagsirbe komo jet fighter pilot durante kan Korean War. Nakapalayog siya nin 66 na combat mission asin nakarata' nin duwang MiG-15 na aircraft.
Pakakua nin Doctor of Science na degree sa astronautics haleng Massachusetts Institute of Technology, si Aldrin napili bilang myembro sa NASA'ng Astronaut Group 3, na iyo siya an enot na astronauta na may degree doktoral. An saiyang tesis doktoral na, Line-of-Sight Guidance Techniques for Manned Orbital Rendezvous, nagtao saiya nin bansag na "Dr. Rendezvous" sa kapwa mga astronauta. An enot niyang space flight nangyari kan 1966 sa Gemini 12 na durante kaini naglimang oras siyang may aktibidad sa luwas kan behikulo espasyo. Tolong taon pakalihis, si Aldrin nakatongtong sa Bulan eksaktong 03:15:16 kan Hulyo 21, 1969 (UTC), disinuwebeng minuto pakatongtong ni Armstrong sa alpog kan bulan, mantang si command module pilot Michael Collins nagtener sa lunar orbit. Sarong Presbyterian elder,si Aldrin iyo an pinakaenot na naggibong seremonya relihiyoso sa Bulan kan siya nagkomonyun eukaristiko duman. An Apollo 11 tunay na nagpapatotoo an kapangganahan kan Estados Unidos sa inapod na Urumbasan sa Espasyo paagi sa pag'utob sa mawot kan nasyon Estados Unidos na sinambit kan 1961 ni Presidente John F. Kennedy "na makapahugpa nin tawo sa Bulan asin ibalik siyang ligtas sa Kinaban" bago magtapos an dekada.
Pakahale niya sa NASA kan 1971, si Aldrin nagin Commandant kan U.S. Air Force Test Pilot School. Siya nagretiro sa Air Force kan 1972, pakatapos nin 21 taon na serbisyo. An saiyang mga autobiograpiya na Return to Earth (1973) asin Magnificent Desolation (2009) nagpapahayag kan saiyang clinical depression asin alcoholism kan mga taon na siya naghale na sa NASA. Si Aldrin sige an pagtolod kan adbokasiya nin space exploration, orog na an pagpasiring kan tawo sa planetang Mars, asin ta siya naghaman kan inapod na Aldrin cycler, sarong espesyal na spacecraft na ginigibong pagbyahe sa Mars mas episyente sa oras asin menos sa pagkonsumo sa propellant. Siya nawarasan nin mga onra, kabali na diyan an Presidential Medal of Freedom kan 1969.
