Ekstrabersyon asin introbersyon

An mga katangian kan ekstrabersyon (na pigbabaybay man na ekstrobersyon ) asin introbersyon iyo an sarong sentral na dimensyon sa nagkapirang mga teorya kan personalidad kan tawo. An mga terminong introbersyon asin ekstrabersyon ipinamidbid sa sikolohiya ni Carl Jung, maski na ngani an parehong paggamit kan popular asin presenteng sikolohikal na pagkasabot manlaenlaen. An ekstrabersyon mapupwedeng may maipahiling na ugaling mapaluwas, madaldal, masiglang pag-uugali, mantang an introbersyon iyo an pigpapahiling sa mas mapanimdim asin reserbadong pag-uugali. Pinanongdan ni Jung an introbersyon bilang sarong "klase nin saboot na piglaladawan sa paagi kan orientasyon sa buhay sa paagi kan mga pansadiring laog na saykiko", asin an ekstrabersyon bilang "sarong klase nin saboot na nailaladawan sa konsentrasyon nin interes sa panluwas na bagay".

An mga katangian kan pag-uugali asin sikolohikal na nagpapamidbid sa introbersyon asin ekstrabersyon, na parating iniisip bilang nagsusunod sa sarong pagpapadagos o continuum.

An ekstrabersyon asin introbersyon parating pighihiling bilang sarong solong pagpapadagos o kontinuo, kaya an mas halangkaw sa saro nangangaipohan nin pagigin mas hababa sa saro. Nagtatao si Jung nin ibang pananaw asin nagsuherir na an lambang saro may parehong ugaling may ekstrabersyon asin introbersyon, na an saro mas nangingibabaw kaysa sa saro. Haros gabos kan komprehensibong modelo kan personalidad naaayonan kan mga konseptong ini sa manlaenlaen na porma. Kaiba sa mga halimbawa an modelong Big Five (o Darakulang Lima), an sikolohiyang analitiko ni Jung, an modelong three-factor (o tulong-salik) ni Hans Eysenck, an 16 na salik kan personalidad ni Raymond Cattell, an Minnesota Multiphasic Personality Inventory (o Imbertaryo kan Multipasikong Personalidad kan Minnesota), asin an Myers–Briggs Type Indicator (o Indikador kan Tipo na Myers–Briggs).