Julian Oktawian Zachariewicz-Lwigród
Si Julian Oktawian Zachariewicz-Lwigród (17 Hulyo 1837 – 27 Desyembre 1898), komun na inaapod Julian Zachariewicz, sarong Polakong arkitekto asin parahirahay, ama ni Alfred Zachariewicz. Si Zachariewicz gradwado sa Royal Polytechnic Institute sa Vienna,[1] asin propesor asin rektor (1881–1882) kan Lemberg Polytechnic.[2]
| Julian Zachariewicz | |
|---|---|
 Si Julian Zachariewicz | |
| Kamundagan | 17 Hulyo 1837 Lemberg, Kahadean nin Galicia asin Lodomeria, Imperyong Austriako |
| Kagadanan | 27 Desyembre 1898 (edad 61) Lemberg, Kahadean nin Galicia asin Lodomeria, Austria-Hunggriya (ngonyan, Ukranya) |
| Nasyunalidad | Polako |
Buhay
baguhonSiya namundag sa Lemberg, Imperyo Austriako (Polako: Lwów, ngonyan Lviv, Ukranya) sa sarong pamilyang Polako. Siya naggradwar sa Vienna University of Technology. Hanggan 1870, siya nagkapot iba-ibang pwesto bilang inhenyero sa Austrian State Railway. Kan 1871, itinangro saiya an pwesto komo direktor kan bagong tugdas na Faculty of Civil Engineering sa Lviv Technical Academy (ngonyan, Lviv Polytechnic). Gibo kaini, siya buminalik sa Lviv asin nagtrabaho bilang propesor sa akademya asin nanombrahan padagos bilang dekano kan Faculty of Civil Engineering. Sa pag'ultan nin 1877–1878 asin 1881–1882 siya nagsirbe komo rektor sa Lviv Polytechnic. Kan 1877, siya naresibi an titulong "Ritter" Austrian nobility(Grade II) na kabit an bansag na "von Lwigród". Saiyang pigdesenyo an mayor na edipisyo kan Lemberg Polytechnic asin pa man an suway na edipisyo kan Faculty of Chemistry. An mayor na edipisyo kan polytechnic, midbid komo "Mother of Polish Technical Universities", pinagdesenyo sa estilong ekletiko Neo-Renasimyento na uso kan panahon na idto. Si Zachariewicz nagbyahe magkapirang beses sa kahiwasan nin Alemanya asin Austria bago nadesenyo an polytechnic, ngani maadalan niyang hustoqan pinakabagong mga paghihira dapit sa konstruksyon kan siring na mga klaseng edipisyo. Saiya man na pigdesenyo magkapirang mga edipisyong pampubliko asin mga residensyang pribado, kabarali diyan an Iași railway station (1869–70), an Czernowitz Synagogue,[1] an Galician Savings Bank sa Lviv, Church of Franciscan Sisters sa Lviv, Jan Styka's villa, asin an Tyszkiewicz Villa sa Vilnius. Siya man an nagpasunod kan mga paghihira sa Church of the Holy Family sa Tarnów asin an kontrobersyal na [nangangaipo nin toltolan] mga paghirahay kan Church of Our Lady of the Snow asin an Church of John the Baptist, pareho yaon sa Lviv.
Kan 1894, saiyang pinagmato an konstruksyon nin sobra sa 100 na pabilyon (kaabay sa Franciszek Skowron) para sa General National Exhibition sa Lviv.[3] Siya an autor kan librong Zabytki sztuki w Polsce (Works of Art in Poland) napublikar kan 1895.[4][5][6]
Siya nagadan sa Lemberg asin ilinubong sa Sementeryo Lychakiv.
Galeriya
baguhon-
-
-
Main building of Lviv Polytechnic -
Galician Savings Bank, Lviv -
St. Mary's Church in Stryi -
Psary Palace -
Jan Styka House, Lviv -
Ethnographic Museum sa Lviv -
Zachariewicz eskudo de armas
Hilnga man
baguhonToltolan
baguhon- ↑ 1.0 1.1 Prokopovych, Markian (2009). Habsburg Lemberg: Architecture, Public Space, and Politics in the Galician Capital, 1772-1914. Purdue University Press. pp. 111, 114, 131. ISBN 978-1-55753-510-8.
- ↑ "Zachariewicz-Lwigród Julian Oktawian". Internetowa encyklopedia PWN (in Polish). Archived from the original on 2008-03-10. Retrieved 2007-04-24. Unknown parameter
|url-status=ignored (help) - ↑ "STRYISKYI PARK". https://lia.lvivcenter.org/en/objects/park-stryiskyi/.
- ↑ "Julian Oktawian Zachariewicz – zapomniany ojciec polskiej architektury". Archived from the original on 2019-07-27. https://web.archive.org/web/20190727165933/https://www.kuriergalicyjski.com/historia/postacie/116-z/7683-julian-oktawian-zachariewicz-czesc-i. Retrieved on 2022-08-13.
- ↑ "Znaczenie działalności profesora Juliana Zachariewicza w popularyzacji sztuki witrażowej we Lwowie. Realizacje firmy "Tiroler Glasmalerei und Mosaik Anstalt" na terenie Galicji Wschodniej". https://barwyszkla.pl/znaczenie-dzialalnosci-profesora-juliana-zachariewicza-w-popularyzacji-sztuki-witrazowej-we-lwowie-realizacje-firmy-tiroler-glasmalerei-und-mosaik-anstalt-na-terenie-galicji-wschodn/.
- ↑ "ARCHITECTURAL EDUCATION AT LVIV POLYTECHNIC DURING THE INTERWAR PERIOD". https://ena.lp.edu.ua/bitstream/ntb/41484/2/2017v3n1_Cherkes_B-Architectural_education_at_1-16.pdf.[permanent dead link]
| An Wikimedia Commons igwa nin medya dapit sa Julian Zachariewicz. |
