Metropolitan Museum of Art
An Metropolitan Museum of Art iyo an pinakadakulang museo sa arte sa Estados Unidos na namomogtak sa Nueva York asin ini man an saro sa sampolong darakulaon na museo sa bilog na kinaban, masasabing igwang pinakasangkap na kuleksyon sa arte. An permanenteng kuleksyon kaini binibilang nin sobra sa duwang milyon na obra, pinagpisan-pisan sa kagpitong (sampolo may pito) departamento curatorial.[1] An mayor na edipisyo na nakakaag sa bandang subangan kan Central Park naghahanggilid sa inaapod na Sarong Milya nin mga Museo sa Manhattan iyo na an saro sa pinakamahiwas na galeriya sa arte sa mundo. Igwang pa man nin medyo sadit na museo sa "The Cloisters" sa Upper Manhattan na an itinatampok iyo an arte medieval.[2]
Sa permanenteng kuleksyon representado an mga obra sa arte gikan sa klasikal na antiquidad asin Antigong Ehipto, mga pinintura asin iskultor na haros gabos naghahale sa mga Europeong maestro asin mahiwason na kuleksyon naglaladawan kan arteng moderno asin Amerikano. An Met igwa man nin saray na kadakuldakul na representado an Aprikano, Asyano, Oceanico, Byzantino, asin Islamikong arte.[3] An museo hinaharong man an damot na instrumento musikal, mga gubing asin karaipohan sa pagbado, mga soanoy na armas asin barote, hale pa sa iba-ibang parte kan mundo.[4] Magkapira man na mga interior nin harong, gikan sa Enot-na-Siglong Romano sundo sa modernong desinyong Amerikano an permanenteng nakakana sa mga galeriya kaini.[5]
An museong ini binuksan kan Pebrero 20, 1872 asin minukna kan mga prominentemg namamanwaan Amerikano sa katuyohan na mapararom asin mapahiwas an pagkasabot asin pagkamoot kan mga Amerikano sa arte.
Dati ini namomogtak sa 681 Fifth Avenue. [6]
Galeriya
baguhon-
Maskarang gading sa Benin,ika-16 na siglo, Nigeria -
Lord Neminatha (Akota Bronzes, ika-7ng siglo -
Vishnu,ika 10-11 na siglo -
Celestial dancer (Apsara) mid-11 dent., Madhya Pradesh, Indya -
Chola, sa bintig, Estatuwa ni Nataraja, Taminadu -
Mummy -
Dahon sa Blue Qur'an, pinapahiling Kap. 30:28-32 -
Amathus sarcophagus, haleng Amathus, Cyprus (Cesnola Collection) -
Grtand piano, ki Sebastien Erard c. 1840
Toltolan
baguhon- ↑ http://www.metmuseum.org/en/about-the-museum/museum-departments/curatorial-departments Kinua 27-02-14
- ↑ http://www.metmuseum.org/visit/visit%20the%20cloisters Kinua 27-02-14
- ↑ https://en.wikipedia.org/wiki/Philippe_de_Montebello Kinua 27-02-14
- ↑ hilnga, Pyhrr, Stuart W. (2003). Arms and Armor: Notable Acquisitions 1991-2002 - The Metropolitan Museum of Art. New Haven: Yale University Press. p. 6. ISBN 0-300-09876-6.
- ↑ hilnga, Peck, Amelia (1996). Period Rooms in the Metropolitan Museum of Art. New York: Metropolitan Museum of Art. pp. 17,275. ISBN 0-300-10522-3.
- ↑ http://www.metmuseum.org/about%20the%20museum/now%20at%20the%20met/features/2012/this%20weekend%20in%20met%20history%20february%2020 Kinua 27-02-14
