Pasaporte

An pasaporte iyo an sarong dokumentong pambiyahe na ipigtatao nin sarong gobyerno pangnasyon na karaniwan nagpapamidbid sa pigtawan bilang sarong namamanwaan o nasyonal nin nasyon na nagtao asin naghahagad na tugotan an tinawan na lumaog asin mag-agi sa pag-oltanan nin mga ibang nasyon. Nagpoon an katagang pasaporte sa duwang mga katagang Pranses, na may kahulugan na mag-agi [sa] (pasa) asin doongan (pwerto).

Mga pasaporte kan Olanda (ordinaryo), Nepal (diplomatiko), Polonya (ordinaryo) asin Republikang Popular kan Tsina (panserbisyo)

Konektado an mga pasaporte sa karapatan nin proteksiyon na legal sa ibang nasyon asin sa karapatan na lumaog sa nasyon nin nasyonalidad kan tinawan. Karaniwan na igwa nin laog kan pasaporte an ladawan kan tinawan, an pirma kaini, an aldaw kan kamundagan, nasyonalidad, asin minsan an iba pang paagi nin pansadiring pagmidbid. Kadakul na nasyon ngunyan nasa proseso nin pag-uswag nin mga katangian na biometriko para sa saindang mga pasaporte tanganing padagos na pagtibayin na an tawong nagbibiklad kan pasaporte iyo an lehitimong tinawan kaini.