Sarwal
An mga sarwal (Ingles: shorts) iyo an gubing na sulot sa ibabaw kan parte nin pelvic, na minaitok sa habayan asin nagkakabaranga tanganing takopan an itaas na parte kan mga tabay, na kun beses minasagkod sa mga tuhod alagad dai nakatatahob sa bilog na tabay. Inaapod sindang "shorts" huli ta iyan pinahalipot na bersion nin mga pantalon, na nakatahob sa bilog na tabay, alagad bako sa bitis. An mga sarwal iyo parateng isinusulot sa mainit na panahon o sa kapalibotan kun saen mas mahalaga an pagranga asin pagbolos nin aire kisa proteksyon kan mga tabay.
Igwa nin laen - laen na sarwal, poon sa mga abot sa tuhod na haralipot na pantalon na pwedeng isulot sa nagkapirang sitwasyon bilang pormal na mga gubing tanganing magin badong pandagat asin man atletikong mga sarwal. An nagkapirang klase nin sarwal sa tipikong paagi isinusulot nin mga babae, arog baga nin culottes, na nababangang palda na nakaaagid sa sarong padis nin mahiwas na tabas nin sarwal.
