Аргазм

Аргазм (грэц. οργάω — «гарэць жарсьцю») — найвышэйшая ступень жарснага пачуцьця асалоды пры плоцевай разрадцы ад завяршэньня плоцевага чыну, мастурбацыі, мілошчаў і любоўных уяўленьняў. Яго жыцьцёвае значэньне заключаецца ва ўтварэньні цэласных паводзінаў празь безумоўны адсьвет, які падмацоўвае плоцевыя рэакцыі. Адсутнічае ў саміцаў большасьці відаў жывёлаў, акрамя некаторых сысуноў, і зьяўляецца неабавязковым для апладненьня. У чалавека вонкавыя праявы абумоўліваюцца плоцевай канстытуцыяй, тэмпэрамэнтам, агульным і плоцевым выхаваньнем. У мужчынаў мае параўнальна меншую разнастайнасьць і працягласьць. У жанчынаў адрозьніваюць секельны і секельна-похвенны, зьвязваюць з узбуджэньнем эрагенных зонаў і ўласьцівасьцю любоўнай гульні. У здаровых мужчынаў яго наступленьне пры заканчэньні плоцевага чыну ёсьць звычайным. У многіх здаровых жанчынаў узьнікае пасьля некалькіх гадоў устойлівага плоцевага жыцьця і надалей здараецца не пры кожным плоцевым чыне. Значная частка жанчынаў пакутуе на анаргазьмію, некаторыя — на плоцевую халоднасьць.

Уладзіслаў Падкавінскі — Унясеньне, 1894

Вонкавыя спасылкі

Аргазм — сховішча мультымэдыйных матэрыялаў

• Сяргей Сматрычэнка. Камасутра // Arche Пачатак : часопіс. — 2000. — № 5. — ISSN 1392-9682.
• Плоцевы чын і яго апісаньне