Квазар

Кваза́р (анг. quasar) — надзвычай магутнае і далёкае актыўнае ядро галяктыкі. Квазары зьяўляюцца аднымі з найярчэйшых аб’ектаў у Сусьвеце — іх магутнасьць часам у дзясяткі і сотні разоў перавышае агульную магутнасьць усіх зорак галяктык, падобных да нашай. Сьляды бацькоўскіх галяктык вакол квазараў (прычым, далёка ня ўсіх) былі выяўленыя пазьней. У першую чаргу квазары былі апазнаныя як аб’екты зь вялікім чырвоным зрушэньнем, якія маюць электрамагнітнае выпраменьваньне (у тым ліку радыёхвалі і бачнае сьвятло) і настолькі малыя кутавыя памеры, што на працягу некалькіх гадоў пасьля адкрыцьця не было магчымым адрозьніць іх ад «кропкавых крыніц» — зорак (наадварот, працяглыя крыніцы болей адпавядаюць галяктыкам).

Галяктыка NGC 4319 і квазар Маркаран 205. Гэты квазар знаходзіцца за 1 мільярд сьветлавых гадоў, але знаходзіцца адносна блізка, уважаючы на тое, што шмат квазараў знаходзяцца нашмат далей.

Этымалёгія

Ангельскі тэрмін quasar утвораны ад словаў quasistellar («квазізорны», падобны да зоркі) і radiosource («радыёкрыніца») і літаральна перакладаецца як «квазізорная радыёкрыніца».

Глядзіце таксама

• Мікраквазар
• Гама-усплёск
• Квазаг