Украінцы

**Украінцы**
	Украінцы
	українці
Агульная колькасьць	каля 44—45 мільёнаў
Рэгіёны пражываньня	Украіна, Расея, Канада, ЗША, Бразылія, Казахстан, Малдова, Беларусь і іншыя
Мовы	украінская мова
Рэлігіі	Пераважна праваслаўныя. Частка ўкраінцаў вызнаюць уніяцтва, пратэстантызм альбо зьяўляюцца атэістамі.
Блізкія этнасы	славяне, асабліва ўсходнія (беларусы, расейцы)
	Украінцы ў Вікісховішчы

Украі́нцы (па-ўкраінску: українці) — усходнеславянскі народ, гістарычна званы русінамі, які пераважна насяляе Ўкраіну.

Мова

Асноўная мова ўкраінцаў — украінская. Яна належыць да ўсходнеславянскай падгрупы славянскіх моваў. Існуюць наступныя дыялекты:

паўночны,
паўднёва-заходні,
паўднёва-ўсходні.

Пашырана таксама расейская мова (пераважна на поўдні і левабярэжжы Дняпра). Пісьменнасьць — на аснове кірыліцы.

Статыстыка

Украінцы — адзін з найбуйнейшых эўрапейскіх народаў агульнай колькасьцю блізу 44 мільёнаў. Большасьць украінцаў, прыблізна 37 мільёнаў, жывуць ва Ўкраіне, дзе складаюць больш за тры чвэрці насельніцтва. Найбуйнейшая ўкраінская супольнасьць за мяжой Украіны знаходзіцца ў Расеі. Каля 3 мільёнаў расейскіх грамадзянаў лічаць сябе ўкраінцамі. Каля 2 мільёнаў украінцаў жывуць у Паўночнай Амэрыцы (890 тысячаў у ЗША і 1 мільён у Канадзе). Вялікая колькасьць украінцаў жыве ў такіх краінах як Бразылія (880 000), Казахстан (500 000), Малдова (450 000), Аргентына (305 000), Польшча (300 000), Беларусь (250 000) і Славаччына (200 000). Украінскія дыяспары існуюць у Нямеччыне, Вялікабрытаніі, Партугаліі, Румыніі і Латвіі.

Вонкавыя спасылкі

Вікіцытатнік зьмяшчае збор цытатаў, датычных тэмы артыкула:

Украінскія прыказкі

Інтэрнэт-старонка Украінскага Дому