26 лютага

26 лю́тага — 57-ы дзень году паводле Грыгарыянскага календару. Да канца году застаецца 309 дзён (308 у невысакосным годзе).

Падзеі

• 364 — вайсковы трыбун Валентыніян I быў абраны рымскім імпэратарам

1548 — турэцкі адмірал Піры-рэіс адбіў у Партугаліі Адэн

• 1554 — Бітва пры Марыгуэнью
• 1561 — у Балівіі заснаванае места Санта Круз

1658 — згодна з Роскільскім мірам кароль Даніі Фрэдэрык III згубіў амаль палову сваіх уладаньняў

• 1744 — пакараныя сьмерцю 16 удзельнікаў Крычаўскага паўстаньня
• 1785 — у Ліхтэнштайне выкананы апошні ў гісторыі краіны сьмяротны прысуд — найвышэйшай мерай была пакараная за злачынства 42-гадовая Барбара Эрні
• 1789 — сканаў ангельскі вогер-рэпрадуктар Экліпс, які зьяўляецца продкам 80% сучасных скакавых коней
• 1797 — Банк Ангельшчыны надрукаваў першую банкноту наміналам 1 фунт

1815 — высланы на Эльбу Напалеон Банапарт зьбег з вострава

• 1832 — Канстытуцыя Каралеўства Польскага была замененая Арганічным статутам
• 1832 — адбыўся першы парыскі канцэрт Фрыдэрыка Шапэна
• 1848 — абвешчаная другая Француская рэспубліка
• 1860 — у Каліфорніі белыя асаднікі забілі 80-250 індзейцаў з племені выётаў
• 1861 — імпэратар Аўстрыі Франц Ёзэф I выдаў г. зв. Лютаўскі патэнт

1901 — беларускі студэнт Пётар Карповіч застрэліў у Маскве міністра асьветы Расейскае імпэрыі

• 1915 — I сусьветная вайна: упершыню ў гісторыі ў бітве зафіксаванае прымяненьне вагнямётаў, скарыстаны нямецкімі войскамі на заходнім фронце
• 1927 — «Мазурка Дамброўскага» афіцыйна зацьверджаная гімнам Польшчы
• 1932 — у Менску пачала выдавацца грамадзка-палітычная і літаратура-мастацкая газэта «Літаратура і Мастацтва»
• 1936 — у Японіі адбылася спроба путчу
• 1952 — прэм’ер-міністар Вялікабрытаніі Ўінстан Чэрчыль паведаміў, што ягоная краіна валодае атамнай зброяй
• 1953 — Ален Далес стаў дырэктарам ЦРУ
• 1956 — у Беластоку заснаванае беларускае Грамадзка-культурнае таварыства ў Польшчы

1976 — у Паставах адкрыўся краязнаўчы музэй

• 1991 — Вайна ў Пэрсыдзкім заліве: Садам Хусэйн выдаў загад пра вывад ірацкіх войскаў з Кувэйту

1991 — брытанскі вынаходнік Тым Бэрнэрз-Лі прэзэнтаваў першы браўзэр «WorldWideWeb»

• 1994 — прэзыдэнт Расеі Барыс Ельцын амніставаў сваіх палітычных апанэнтаў, арыштаваных падчас канстытуцыйнага крызісу ў кастрычніку 1993 року
• 1998 — Валдас Адамкус абраны прэзыдэнтам Летувы
• 1999 — на рынак выйшаў мікрапрацэсар Pentium III фірмы Intel
• 2000 — вывяржэньне вулькану Гекла ў Ісьляндыі
• 2004 — у авіякатастрофе ў Босьніі і Герцагавіне загінуў прэзыдэнт Македоніі Борыс Трайкоўскі і яшчэ 8 асобаў

Нараджэньні

• 1361 — Вацлаў IV, кароль багемскі і кароль рымлянаў
• 1802 — Віктор Юго, францускі літаратар
• 1805 — Аляксандар Здановіч, беларускі і польскі гісторык, мовазнаўца, пэдагог
• 1821 — Аляксандар Гінтаўт-Дзевалтоўскі, рымска-каталіцкі дзяяч, плоцкі біскуп, арцыбіскуп магілёўскі
• 1869 — Надзея Крупская, жонка Ўладзімера Леніна
• 1893 — Язэп Гайлевіч, рыма-каталіцкі сьвятар, грамадзкі і культурны дзяяч, пэдагог, дзяяч беларускага руху ў Латвіі
• 1911 — Альбіна Асіповіч, амэрыканская спартоўка беларускага паходжаньня
• 1911 — Леў Гарошка, беларускі сьвятар, рэлігійны і грамадзкі дзяяч
• 1914 — Васіль Гарустовіч, хірург, правёў больш за 20 000 апэрацыяў
• 1918 — Пётар Машэраў, першы сакратар ЦК КП Беларусі, Герой Савецкага Саюзу і Герой Сацыялістычнай Працы
• 1928 — Арыэль Шарон, 11-ы прэм’ер-міністар Ізраілю
• 1929 — Георгі Колас, беларускі літаратар
• 1934 — Валянцін Рабцэвіч, беларускі навуковец, гісторык-нумізмат
• 1938 — Аляксандар Праханаў, расейскі пісьменьнік
• 1940 — Уладзімер Пузыня, беларускі музыка, майстар-рэстаўратар нацыянальных музычных інструмэнтаў.
• 1952 — Уладзімер Саўчанка, беларускі палітычны дзяяч
• 1986 — Андрэй Кім, беларускі моладзевы актывіст

Сьмерці

• 1266 — Манфрэд, кароль Сыцыліі
• 1965 — Уладзіслаў Старэвіч, рэжысэр-аніматар беларускага паходжаньня
• 2009 — Зьміцер Дзьяканаў, расейскі актор тэатру і кіно
• 2014 — Пака дэ Люсія, гішпанскі гітарыст

Сьвяты

26 лютага — сховішча мультымэдыйных матэрыялаў