Церак
рака ў Грузіі і Расеі
Це́рак (па-расейску: Терек) – рака на Паўночным Каўказе. Даўжыня 623 км, плошча басэйну 43,2 тыс. км². Упадае ў Касьпійскае мора, утвараючы дэльту. Ад Церака адходзяць Церска-Кумскі і іншыя арашальныя і абвадняльныя каналы. Сярэдні расход вады ля горада Маздока каля 300 м³/с. На Цераку дзьве ГЭС, гарады Уладзікаўказ, Маздок, Кізьляр. Па даліне верхняга цячэньня праходзіць Ваенна-Грузінская дарога.
