Гайдэльберг

Га́йдэльберг, таксама Ге́йдэльберг (ням.: Heidelberg; ˈhaɪdəlbɛʁk) — горад у Германіі на паўночным захадзе зямлі Бадэн-Вюртэмберг. Горад вядомы сваім старажытным універсітэтам, заснаваным у 1386 годзе. Падчас Другой сусветнай вайны Гайдэльберг не бамбавалі, таму ён з'яўляецца адным з нешматлікіх гарадоў ФРГ з арыгінальнай гістарычнай архітэктурай.

Горад Гайдэльберг Heidelberg Герб Сцяг Краіна Германія Зямля Бадэн-Вюртэмберг Каардынаты 49°24′44″ пн. ш. 8°42′36″ у. д. Унутранае дзяленне 14 гарадскіх раёнаў Обер-бургамістр Экарт Вюрцнер (б/п) Плошча 108,83 км² Вышыня цэнтра 114 м Водныя аб’екты Некар Насельніцтва ▲162 960 чал. (31 снежня 2023) Часавы пояс UTC+1, летам UTC+2 Тэлефонны код 06221 (і 06202) Паштовы індэкс 69115—69126 Аўтамабільны код HD Афіцыйны код 08 2 21 000 Афіцыйны сайт heidelberg.de (ням.)(англ.) Гайдэльберг на карце Германіі ±

Медыяфайлы на Вікісховішчы

Паблізу Гайдэльберга выяўленыя найдаўнейшыя ў Еўропе косткавыя рэшткі чалавека — Гайдэльбергскі чалавек.

Таксама ў XIX стагоддзі Гайдэльберг з'яўляўся культурным цэнтрам гейдэльбергскай школы — літаратурнай плыні нямецкага рамантызму.

Палітыка

Гарадскі савет пад старшынствам обер-бургамістра складаецца з 40 членаў, якія працуюць на грамадскіх пачатках. Савет абіраецца тэрмінам на 5 гадоў.

Гарады-пабрацімы Гайдэльберга:

• Францыя, Манпелье, з 1961.
• Вялікабрытанія, Кембрыдж, з 1965.
• Ізраіль, Рэхавот, з 1983.
• Украіна, Сімферопаль, Украіна, з 1991.
• Германія, Баўцэн, Саксонія, з 1991.
• Японія, Кумамота, з 1992.

Эканоміка

Гайдэльберг — горад з развітай эканомікай і інфраструктурай, з узроўнем беспрацоўя значна ніжэй чым у сярэднім па краіне (4 %, 2003). 21 % працаздольнага насельніцтва занята ў вытворчай сферы, 18 % у сферы гандлю, турызму і транспарта, 61 % у сферы іншых паслуг.

У Гейдэльберзе знаходзіцца некалькі буйных прадпрыемстваў: Heidelberger Druckmaschinen, HeidelbergCement і іншыя.

Найбуйнейшым працадаўцам рэгіёна з'яўляецца Гайдэльбергскі ўніверсітэт.

Літаратура

• Гайдэльберг // Беларуская энцыклапедыя: У 18 т. Т. 4: Варанецкі — Гальфстрым / Рэдкал.: Г. П. Пашкоў і інш. — Мн. : БелЭн, 1997. — Т. 4. — 480 с. — 10 000 экз. — ISBN 985-11-0035-8. — ISBN 985-11-0090-0 (т. 4).

Спасылкі

• Афіцыйная старонка горадf (ням.)
• Экскурсія на рускай мове па гейдэльбергскім замку