Тунгавы алей

Ту́нгавы але́й — тлусты высыхальны алей з насення тунгу.

Вадкасць ад светла-жоўтага да аранжавага колеру з непрыемным пахам. Шчыльнасць 940 кг/м³. Паказчык праламлення 1,51—1,52. Раствараецца ў арганічных растваральніках, за выключэннем метанолу і этанолу. Змяшчае значную колькасць гліцэрыдаў ненасычаных кіслот. Цвярдзее пры тэмпературы ад -17 да -21 °C. Таксічны.

Тунгавы алей выкарыстоўваецца ў якасці сыравіны ў вытворчасці алкідных смол, алейных лакаў і фарбаў, цыраты, лінолеуму. У гумавай прамысловасці ў якасці пластыфікатара.

Літаратура

• Беларуская энцыклапедыя: У 18 т. Т. 16: Трыпалі — Хвіліна / Рэдкал.: Г. П. Пашкоў і інш. — Мн.: БелЭн, 2003. — Т. 16. — С. 27. — 576 с. — 10 000 экз. — ISBN 985-11-0263-6 (Т. 16).
• Тунговое масло // Вялікая савецкая энцыклапедыя (руск.)

Спасылкі

• ТУНГОВОЕ MACЛO // ХиМиК.ру (руск.)