Украінская Народная Рэспубліка
Украінская Народная Рэспубліка скарочана УНР (укр.: Українська Народна Республіка, у тагачасным правапісе — Українська Народня Республіка) — палітычнае ўтварэнне пачатка XX ст. на тэрыторыі сучаснай Украіны, абвешчана 7(20) лістапада 1917 года ў Кіеве Украінскай цэнтральнай радай (УЦР) як украінская нацыянальная дзяржава ў складзе федэратыўнай Расіі, з 9(22) студзеня 1918 — незалежная дзяржава.
| Аўтаномія (1917 – 1918) Незалежная дзяржава (1918 – 1921) Урад у выгнанні (1921 – 1992) | |||||
| Украінская Народная Рэспубліка | |||||
|---|---|---|---|---|---|
| Українська Народня Республіка | |||||
|
|||||
| Гімн: Гімн Украіны | |||||
 |
|||||
|
1917 — 1921
|
|||||
| Сталіца | Кіеў | ||||
| Мова(ы) | Украінская | ||||
| Афіцыйная мова | украінская | ||||
| Грашовая адзінка | карбаванец, грыўня | ||||
| Плошча |
|
||||
| Форма кіравання | Парламенцкая рэспубліка | ||||
| Кіраўнікі дзяржавы | |||||
| Старшыня Цэнтральнай Рады | |||||
| • 1917 – 1918 | Міхаіл Грушэўскі | ||||
| Старшыня Дырэкторыі | |||||
| • 1918 – 1919 | Уладзімір Віннічэнка | ||||
| • 1919 – 1920 | Сымон Пятлюра | ||||
 Медыяфайлы на Вікісховішчы | |||||
29 красавіка 1918 года генерал Павел Скарападскі пры падтрымцы германскіх войск скінуў УЦР і ліквідаваў УНР, замест якой абвешчана Украінская дзяржава (Гетманшчына). У снежні 1918 года УНР адноўлена Украінскай дырэкторыяй.
У 1918—1920 гадах УНР знаходзілася ў процістаянні з РСФСР, Украінскай Сацыялістычнай Савецкай Рэспублікай (УССР) і белагвардзейскім урадам генерала Антона Дзянікіна, была ў саюзе з краінамі аўстра-германскага ваеннага блоку і Польшчай.
У студзені-лістападзе 1919 года існавала Саборная Украіна — аб’яднанне УНР і Заходне-Украінскай Народнай Рэспублікі (створана ў лістападзе 1918 года ў Галіцыі).
Паводле Рыжскага мірнага дагавора 1921 года большасць украінскіх этнічных земляў увайшла ў склад УССР і Польшчы.
Урад УНР да 1965 года існаваў у эміграцыі пад кіраўніцтвам С. Пятлюры (да 1926), потым А. Лявіцкага і С. Вятвіцкага.