ФК Джэноа

Джэноа
Джэноа
Поўная назва	Genoa Cricket and Football Club SpA
Заснаваны	1893
Горад	Генуя, Італія
Стадыён	Луіджы Ферарыс; Умяшчальнасць: 36 599
Уладальнік	777 Partners[d]
Прэзідэнт	Альберта Дзангрыла[d]
Галоўны трэнер	Патрык Віейра;
Чэмпіянат	Серыя A
2022/23	▲ 2 месца ў Серыі B
Сайт	Афіцыйны сайт

«Джэноа» (італ.: Genoa) — італьянскі футбольны клуб з горада Генуя. Заснаваны ў 1893 годзе. Дзевяціразовы чэмпіён Італіі і аднаразовы ўладальнік Кубка Італіі. Нягледзячы на тое, лёгкаатлетычны і крыкетны клубы былі заснаваны ў 1893 годзе англічанінамі як брытанскі спартыўны клуб за мяжой, ігракамі ў гэтым таварыстве былі выключна падданыя англійскай кароны да 10 красавіка 1897 года, калі склад быў адчынены для італьянскіх грамадзян^[3]. Футбольная секцыя клуба быў створана ў 1897 годзе Джэймсам Рычардсанам Спэнслі, што робіць футбольную каманду найстарэйшым існуючым клубам у сваім родзе ў Італіі^[4].

Падчас сваёй доўгай гісторыі, «Джэноа» перамагала спаборніцтва Серыі A дзевяць разоў. Першы тытул «Джэноа» быў здабыты ў першым чэмпіянаце ў 1898 годзе, а апошні ажно ў сезоне 1923/24. Гістарычна склалася так, што «Джэноа» з’яўляецца чацвёртым найбольш паспяховым італьянскім клубам^[5].

Клуб праводзіць свае хатнія матчы на стадыёне «Луіджы Ферарыс», які здольны змясціць 36 536 чалавек^[6]. Гэтая пляцоўка з’яўляецца хатняй для клуба з 1911 года. З 1946 года стадыён таксама выкарыстоўваецца як хатняя арэна для іншага футбольнага клуба з горада, «Сампдорыі». «Джэноа» большую частку сваёй пасляваеннай гісторыі праводзіць паміж Серыяй A і Серыяй B.

Гісторыя

Клуб быў заснаваны 7 верасня 1893 года як «Гэнуэзскі крыкетны і атлетычны клуб» (англ.: Genoa Cricket & Athletic Club)^[7]. Першапачаткова клуб спаборнічаў толькі ў лёгкай атлетыцы і крыкеце. З-за таго, што клуб быў створаны, каб прадстаўляць Англію за мяжой, арыгінальныя футболкі былі белага колеру, гэта значыць такога ж колеру, як і кашулі нацыянальнай зборнай Англіі^[7].

З адкрыццём футбольнай секцыі было прынята рашэнне ад дазволе ўдзелу італьянскіх грамадзян у дзейнасці клуба. Першы таварыскі матч «Джэноа» праводзіла дома супраць змешанай каманды турынскіх клубаў «Інтэрнацыянале» і «Тарынезэ», дзе генуэзскі клуб трываў паражэнне з лікам 1:0^[7]. Неўзабаве пасля гэтага «Джэноа» атрымаў сваю першую перамогу ў выязным матчы супраць клуба «Алесандрыя» з лікам 2:0. Таварыскія матчы таксама мелі месца супраць каманд розных брытанскіх суднаў, якія прыходзілі ў порт Генуі.

Склад

Станам на люты 2024 года.


№	Паз.	Імя	Нар.
1	Бр	Хасеп Марцінес	1998
2	ПА	Мортэн Торсбю	1996
3	Аб	Аарон Марцін	1997
4	ПА	Коні Дэ Вінтэр	2002
5	ПА	Эміль Бохінен	1999
8	ПА	Кевін Стротман	1990
9	Нап	Вітынья	2000
10	Нап	Жуніяр Месіяс	1991
11	ПА	Альберт Гюдмюндсан	1997
13	Аб	Мація Бані	1993
14	Аб	Алесандра Вальяка	1998
16	Бр	Нікола Леалі	1993
17	ПА	Руслан Маліноўскі	1993


№	Паз.	Імя	Нар.
18	Нап	Калеб Экубан	1994
19	Нап	Матэа Рэтэгі	1999
20	Аб	Стэфана Сабелі	1993
22	Аб	Хаан Васкес	1998
23	Аб	Джорджа Чытадзіні	2002
30	Нап	Давід Анкіе	2002
32	ПА	Мортэн Фрэндруп	2001
33	Аб	Алан Матура	2004
39	Бр	Даніэле Самарыва	1997
47	ПА	Мілан Бадэль (капітан)	1989
55	Аб	Рыджэсіяна Хапс	1993
90	Аб	Джэд Спенс	2000
99	Бр	Франц Штольц	2001