Pieršaja čytanka (1916)/Naš kraj
| ← Biełaruś | Naš kraj Верш Аўтар: Вацлаў Ластоўскі 1916 год |
Maja chatka → |
| Іншыя публікацыі гэтага твора: Наш край (Ластоўскі). |
Прапануем да спампаваньня!
Naš kraj.
Nima, jak kraj naš, dzietački mileńki! Pryhožy, hožy, kruhom wiesialeńki. Lesami, wadami i ŭrodaj bahaty. Pa wioskach z biarwieńnia rubanyje chaty, strachoj sałamianaj pakryty, ale haścinnaść i zwyčaj pradaŭny u ich nie zabyty.
A ludzi? Dzietki darahije, nie zamorskije, nie čužaki jakije, a ŭsie swaje — Biełarusy! Ščodry, dobry, natury nie panskaj i wiery ŭsie adnej — chryścijanskaj.
Pa siaredzinie kraju kruhłaj stružkaj wijecca Nioman-reka; s paŭnočy zialonaj ustužkaj Dźwina praciekaje, z uschodu Dniepro siwieńki, reka nie małaja lijecca. S poŭdnia Prypiać.
Što-ž za žyćcio było u nas, daražeńki dzietki, u daŭnyje letki, jak narod naš miž saboj nie dzialiŭsia, a ŭ adno cełaje ŭsieńki łučyŭsia, jak kniazi siwyje, našaho rodu, kirawali dolaj i wolaj narodu!..