Škoda Fabia

Škoda Fabia на Вікісховішчы

Агульныя даныя

Вытворца:

Škoda

Выпуск:

1999—цяперашні час

На рынку

Папярэднік
Škoda Felicia

Škoda Fabia — кампактны аўтамабіль чэшскага аўтавытворцы Škoda Auto. Першае пакаленне было выпушчана ў 1999 годзе на замену мадэлі Škoda Felicia.

Усяго было прадстаўлена 4 пакаленні Skoda Fabia:

1 пакаленне (6Y) — 1999—2007
2 пакаленне (5J) — 2007—2014
3 пакаленне (NJ) — 2014—2021
4 пакаленне — 2021—

Fabia I

Хэтчбек Škoda Fabia (1999—2007)

Першае пакаленне выпускалася ў наступных варыянтах:

5-дзв. хэтчбек
універсал Škoda Fabia Combi. Дэбютаваў у 2000 годзе на Парыжскім аўтасалоне. Меў багажнік аб’ёмам 426 літраў, які склаўшы заднія сядзенні можна было павялічыць да 1225 л. Выраблена 574 600 адз^[1].
седан
фургон Škoda Fabia Praktik.

Мадыфікацыі Škoda Fabia I
Седан Škoda Fabia
Škoda Fabia Combi
Škoda Fabia Praktik

Рухавікі

Разам з рухавікамі Volkswagen для базавых версій прапаноўваўся рухавік OHV уласнай распрацоўкі Škoda. Ад пачатку выпуску ў 1999 годзе быў варыянт з магутнасцю 50 кВт (68 к.с.) пры 5000 аб/хв, максімальны круцільны момант 120 Нм пры 2500 аб/хв. Год пазней з'явілася мадыфікацыя з меншай магутнасцю — 44 кВт (60 к.с.) і 118 Нм круцільнага моманту.

Для самай таннай версіі мадэлі Fabia Junior быў створаны рухавік Škoda аб'ёмам 1,0 л. Аб'ём 996 см³ быў дасягнуты за кошт памяншэння дыяметра цыліндру да 72 мм і скарачэння ходу поршня да 61,2 мм. Магутнасць — 37 кВт (50 к.с.), максімальны круцільны момант — 84 Нм пры 2750 аб/хв. Для кампенсацыі недахопу магутнасці перадатачны лік галоўнай перадачы быў зменены з 4,118:1 да 4,867:1.

У 2003 на змену рухавікам Шкода прыйшоў трохцыліндравы рухавік 1,2 HTP^[2].

Бяспека

Вынікі тэсту Euro NCAP, 1999^[3]
Бяспека пасажыраў		26
Бяспека пешаходаў		12
Пратэставаны аўтамабіль: Škoda Fabia 1.4 Classic

Fabia II

Škoda Fabia (2007—2010)

У 2007 годзе прадставілі другое пакаленне Fabia. Вытворчасць ажыццяўлялася на заводах у Чэхіі, Індыі, Кітаі, Казахстане, Украіне і Расіі. Пакупнікам былі даступныя пяцідзверныя кузавы хэтчбэк і ўніверсал Combi (аб’ём багажніка 480—1460 л).

Škoda Fabia (2007—2010)
Хэтчбек Škoda Fabia
Škoda Fabia Combi
Škoda Fabia Scout

Škoda Fabia (2010—2014)

У 2010 годзе была праведзена мадэрнізацыя мадэлі: абнавілася знешнасць, былі перагледжаны варыянты абсталявання, змянілася лінейка рухавікоў.

Škoda Fabia (2010—2014)
Škoda Fabia Combi
Škoda Fabia Scout
Škoda Fabia RS

У 2009 годзе на аўтасалоне ў Жэневе дэбютавала крос-мадыфікацыя Scout — універсал з ахоўнымі накладкамі, і ў адрозненне ад паўнапрываднай Octavia Scout, толькі з пярэднім прывадам. Разам з рэстайлінгам у 2010 годзе з’явіўся таксама Scout з кузавам хэтчбэк. Выпусцілі 6761 аўтамабіль версіі Scout, пры гэтым хэтчбэкаў было зроблена ўсяго 1175 адзінак^[4].

У 2010 годзе таксама з’явілася «зараджаная» мадыфікацыя RS. Fabia RS абсталёўвалася 180-моцным 1,4 TSI, які агрэгатаваўся 7-ступеньчатай каробкай перадач DSG. Таксама RS мела іншыя бамперы, удасканаленую падвеску, больш эфектыўныя тармазы і 17-цалёвыя колы.

Другое пакаленне Fabia выпускалі да 2014 года. Была выраблена 513 400 універсалаў Škoda Fabia Combi^[1].

Рухавікі

Бензінавыя

Fabia дэбютавала з атмасфернымі бензінавымі рухавікамі працоўным аб'ёмам 1,2 л (трохцыліндравы, з размеркаваным упырскам MPI, магутнасць 60 і 70 к.с.), і чатырохцыліндравымі 1,4 л (86 к.с.) і 1,6 л (105 к.с.). Пасля рэстайлінгу 2010 года з лінейкі прыбралі рухавік 1,2 л магутнасцю 60 к.с., з'явіліся чатырохцыліндравы турбаматор з непасрэдным упырскам 1,2 TSI (105 к.с.) і мадыфікацыя RS з рухавіком 1,4 TSI з камбінаваным наддзіманнем (кампрэсар і турбіна) магутнасцю 180 к.с. і 250 Нм круцільнага моманту.

Дызельныя

Да 2010 года мадэль абсталёўвалі маторамі з помпа-фарсункамі 1,4 TDI (69 і 80 к.с.) і 1.9 TDI (105 к.с.), а затым іх змянілі агрэгаты з паліўнай сістэмай common rail — 1,2 TDI (75 к.с.) і 1,6 TDI (90 і 105 к.с.). Версіі Greenline 1,2 TDI дадаткова абсталёўваліся сістэмай Start/Stop і сістэмай рэкуперацыі энергіі пры тармажэнні.

Бяспека

Вынікі тэсту Euro NCAP, 2007^[5]
Бяспека дарослых пасажыраў		32
Бяспека пасажыраў-дзяцей		36
Бяспека пешаходаў		17
Пратэставаны аўтамабіль: Škoda Fabia 1.2 Sport

Fabia III

Універсал меў багажнік аб’ёмам ад 530 да 1395 літраў.

Выпуск хэтчбекаў быў скончаны ў 2021 годзе. Вытворчасць універсалаў працягвалася да лістапада 2022 года, было выраблена звыш 420 000 адзінак Škoda Fabia Combi^[1].

Бяспека

Вынікі тэсту Euro NCAP, 2014^[6]
Вынікі тэсту Euro NCAP, 2014^[6]	Балы	%
Бяспека дарослых пасажыраў	30,9	81%
Бяспека пасажыраў-дзяцей	40,0	81%
Бяспека пешаходаў	25,0	69%
Актыўная бяспека	9,1	69%
Пратэставаны аўтамабіль: Škoda Fabia 1.2 TSI 'Ambition'

Fabia IV

Škoda Fabia IV

4 мая 2021 года прайшла прэм'ера хэтчбека чацвёртага пакалення^[7]. Серыйная вытворчасць стартавала 12 ліпеня 2021 года на галаўным заводзе маркі ў Млада Болеславе. Выпуск ажыццяўляецца на адной вытворчай лініі з мадэлямі Scala і Kamiq^[8]. Ад універсала ў гэтым пакаленні марка адмовілася. Яго запуск у вытворчасць, з улікам узмацнення жорсткасці экалагічных нормаў, быў прызнаны немэтазгодным^[9].

Аўтамабіль пабудаваны на платформе MQB-A0. Даўжыня — 4108 мм, шырыня — 1780 мм, вышыня — 1460 мм, колавая база — 2564 мм. У параўнанні з папярэднікам аб'ём багажніка вырас на 50 л (да 380 л), а са складзенымі заднімі сядзеннямі ён роўны 1190 л (на 40 л больш). Каэфіцыент аэрадынамічнага супору паменшыўся да 0,28.

Рухавікі

Лінейка рухавікоў складаецца выключна з бензінавых матораў. Базавая Fabia мае трохцыліндравы атмасферны MPI аб'ёмам 1,0 л (65 і 80 к.с.) і абсталявана 5-ступеньчатай механічнай каробкай перадач. Таксама прапанаваныя турбаматоры 1,0 TSI (95 і 110 к.с.) і чатырохцыліндравы 1,5 TSI (150 к.с.) агрэгатаваныя з 5- і 6-ступеньчатай механічнай або 7-ступеньчатай рабатызаванай каробкай перадач.

Бяспека

Вынікі тэсту Euro NCAP, 2021^[10]
Вынікі тэсту Euro NCAP, 2021^[10]	Балы	%
Бяспека дарослых пасажыраў	32,4	85%
Бяспека пасажыраў-дзяцей	40,1	81%
Бяспека пешаходаў	38,2	70%
Актыўная бяспека	11,4	71%
Пратэставаны аўтамабіль: Škoda Fabia 1.0 TSI 'Ambition'

Зноскі

↑ ^а ^б ^в Skoda Fabia Combi läuft im November 2022 aus (ням.). de.motor1.com (9 верасня 2022). Праверана 9 верасня 2022.
↑ Legendární hliníkový motor Škoda (2. část): Dostal se až do Fabie! (чэшск.) (нявызн.) ?. auto.cz (20 чэрвеня 2021). Праверана 12 верасня 2021.
↑ https://www.euroncap.com/en/results/skoda/fabia/15528
↑ Zapomenutá vzácnost: Krátká Škoda Fabia Scout je v Česku velkou raritou (чэшск.). auto.cz (11 жніўня 2023). Праверана 13 жніўня 2023.
↑ https://www.euroncap.com/en/results/skoda/fabia/15739
↑ https://www.euroncap.com/en/results/skoda/fabia/7892
↑ Nová Škoda Fabia oficiálně: Roste jako z vody, v rukávu má řadu trumfů (чэшск.). auto.cz (4 мая 2021). Праверана 12 ліпеня 2021.
↑ Nová Škoda Fabia už se vyrábí. Start produkce si vyžádal rozsáhlé investice (чэшск.). auto.cz (12 ліпеня 2021). Праверана 12 ліпеня 2021.
↑ Tak přece jen nebude! Škoda Fabia Combi musí uvolnit místo elektromobilům (чэшск.). auto.cz (24 жніўня 2021). Праверана 8 верасня 2022.
↑ https://www.euroncap.com/en/results/skoda/fabia/44207

Спасылкі

Афіцыйны сайт у Беларусі (руск.). Skoda Auto. Архівавана з першакрыніцы 20 снежня 2012. Праверана 14 снежня 2012.
Главное – "правильный" мотор. Какие сюрпризы поджидают при покупке Skoda Fabia II (руск.). abw.by (28 жніўня 2021). Праверана 28 жніўня 2021.

[de.motor1.com-2022-09-09-1] а ^б ^в Skoda Fabia Combi läuft im November 2022 aus (ням.). de.motor1.com (9 верасня 2022). Праверана 9 верасня 2022.

[2] Legendární hliníkový motor Škoda (2. část): Dostal se až do Fabie! (чэшск.) (нявызн.) ?. auto.cz (20 чэрвеня 2021). Праверана 12 верасня 2021.

[3] ttps://www.euroncap.com/en/results/skoda/fabia/15528

[4] Zapomenutá vzácnost: Krátká Škoda Fabia Scout je v Česku velkou raritou (чэшск.). auto.cz (11 жніўня 2023). Праверана 13 жніўня 2023.

[5] ttps://www.euroncap.com/en/results/skoda/fabia/15739

[6] ttps://www.euroncap.com/en/results/skoda/fabia/7892

[7] Nová Škoda Fabia oficiálně: Roste jako z vody, v rukávu má řadu trumfů (чэшск.). auto.cz (4 мая 2021). Праверана 12 ліпеня 2021.

[8] Nová Škoda Fabia už se vyrábí. Start produkce si vyžádal rozsáhlé investice (чэшск.). auto.cz (12 ліпеня 2021). Праверана 12 ліпеня 2021.

[9] Tak přece jen nebude! Škoda Fabia Combi musí uvolnit místo elektromobilům (чэшск.). auto.cz (24 жніўня 2021). Праверана 8 верасня 2022.

[10] ttps://www.euroncap.com/en/results/skoda/fabia/44207

[1]

[2]

[3]

[4]

[5]

[6]

[7]

[8]

[9]

[10]