Ёрмунганд
Ёрмунганд (['jœrmuŋgandr] — «веліканскі кій»), таксама названы Мідгардсарм — марскі змей з скандынаўскай міфалогіі, сярэдні сын Локі і веліканкі Ангрбоды.
| Ёрмунганд | |
|---|---|
 | |
| Пол | мужчынскі пол |
| Бацька | Локі |
| Маці | Ангрбода |
| Браты і сёстры | Хель, Фенрыр, Нарві, Валі і Слейпнір |
| У іншых культурах | Vritra[d] |
 Медыяфайлы на Вікісховішчы | |
Агульныя звесткі
правіць
Паводле «Малодшай Эды», Одзін забраў у Локі траіх дзяцей — Фенрыра, Хель і Ёрмунганда, якога кінуў у акіян, што абмываў Мідгард. Змей вырас такім велізарным, што аперазаў усю Зямлю і ўчапіўся ў свой уласны хвост. За гэта Ёрмунганд атрымаў мянушку «Змея Мідгарда» ці «Сусветнага Змея». У Рагнарок (фінальнай бітве богаў) Мідгардсарм і Тор, быўшы вечнымі праціўнікамі, забіваюць адзін аднаго.
Ёрмунганд у папулярнай культуры
правіць- У гульні StarCraft адна са зграй Зергаў завецца Ёрмунганд (Jormungand Brood).
- У гульні Tomb Raider: Underworld амаль уся сюжэтная лінія прысвечана германа-скандынаўскай міфалогіі, дзе згадваецца Ёрмунганд і іншыя багі. У канцы гульні галоўная гераіня спрабуе супрацьстаяць уваскрашэнню Ёрмунганда з дапамогай молата Тора.
- З’яўляецца у 2 сезоне серыяла «Рагнарок». У Лорыца разбалеўся жывот, яго павялі ў бальніцу і ў ходзе УГД вызначылі наяўнасць істужачнага чарвяка. Пасля вымання ім аказаўся Ёрмунганд, якога ён адпусціў ў ваду, каб ён выканаў свой лёс.