Ірэн Жакоб
Ірэ́н Мары́ Жако́б (фр.: Irène Marie Jacob; нар. 15 ліпеня 1966, Парыж) — французска-швейцарская актрыса.
| Ірэн Жакоб | |
|---|---|
| фр.: Irène Jacob | |
 | |
| Дата нараджэння | 15 ліпеня 1966[1][2][…] (58 гадоў) |
| Месца нараджэння | |
| Грамадзянства | |
| Бацька | Maurice Jacob[d][4] |
| Муж | Jérôme Kircher[d][5] |
| Дзеці | Paul Kircher[d] і Samuel Kircher[d] |
| Прафесія | тэатральная актрыса, кінаактрыса |
| Узнагароды | |
| IMDb | ID 0001393 |
| irenejacob.net | |
 Медыяфайлы на Вікісховішчы | |
Біяграфія
правіцьІрэн Мары Жакоб нарадзілася ў Парыжы і была чацвёртым дзіцём у сям’і. Яе бацька — фізік, маці — псіхолаг. Калі Ірэн было тры гады, сям’я пераехала ў Жэневу, Швейцарыя. Ірэн вучылася іграць на фартэпіяна і скрыпцы, наведвала школу пры Жэнеўскай кансерваторыі. У 1984 годзе вярнулася ў Парыж і паступіла ў Вышэйшую нацыянальную школу тэатральнага мастацтва.
Актрыса дэбютавала ў кіно ў 1987 годзе з эпізадычнай роляй у фільме Луі Маля «Бывайце, дзеці». Гэтае першае з’яўленне Жакоб на экране прыцягнула ўвагу польскага кінарэжысёра Кшыштафа Кеслёўскага, які запрасіў яе на галоўную ролю ў карціне «Падвойнае жыццё Веранікі» (1991). Карціна была адзначана трыма ўзнагародамі Канскага кінафестывалю, сярод якіх Прыз за найлепшую жаночую ролю. Трыма гадамі пазней Ірэн Жакоб зноў зыграла галоўную ролю ў карціне Кеслёўскага — трэцяй частцы трылогіі «Тры колеры» карціне «Тры колеры: Чырвоны» (1994).
У сярэдзіне 1990-х гадоў Ірэн Жакоб здымалася ў розных еўрапейскіх рэжысёраў — Олівера Паркера («Атэла»), Надзін Трэнціньян (Уцякачкі), Мікеланджэла Антаніоні («За аблокамі»). На працягу наступных гадоў Жакоб зыграла ў некалькіх амерыканскіх фільмах, у тым ліку з Томі Лі Джонсам у стужцы «Служыцелі закону».
З 2000 года паралельна з працай у кіно актрыса аднавіла сваю тэатральную кар’еру. Ірэн Жакоб вярнулася на сцэну з галоўнай роляй у спектаклі «Мадам Мельвіль» (Лондан, 2000—2001), дзе яе партнёрам быў Макалей Калкін. Сярод яе яркіх роляў у тэатры — Ніна Зарэчная ў чэхаўскай «Чайцы» (2002) і Жанна д’Арк у драматычнай араторыі «Жанна д’Арк на вогнішчы» (2003).
Зноскі
- ↑ Irène Jacob // filmportal.de — 2005. Праверана 9 кастрычніка 2017.
- ↑ Irène Jacob // Roglo — 1997. — 10000000 экз.
- ↑ Deutsche Nationalbibliothek Record #124112625 // Агульны нарматыўны кантроль — 2012—2016. Праверана 12 снежня 2014.
- ↑ Saint-Pierre D. Dictionnaire historique des Académiciens de Lyon: 1700-2016 — Lyon: Académie des sciences, belles-lettres et arts de Lyon, 2017. — P. 1369. — ISBN 978-2-9559433-0-4
- ↑ https://www.parismatch.com/Vivre/Voyage/Vacances-arty-chez-Agnes-et-Rosalie-Varda-792834
Спасылкі
правіць- IreneJacob.net (фр.) — афіцыйны сайт Ірэн Жакоб
- Артыкул пра Ірэн Жакоб на сайце газеты «Los Angeles Times»