Батальён

Батальён — (ад італ.: battaglia атрад), асноўнае тактычнае падраздзяленне ў сухапутных і паветрана-дэсантных войсках і марской пяхоце. Звычайна ўваходзіць у склад палка або з'яўляецца асобнай воінскай часткай у складзе злучэння або аб'яднання. Складаецца з трох ці чатырох рот і іншых дапаможных падраздяленняў. Налічвае каля 350-500 чалавек (батальён Беларускай Краёвай Абароны налічваў 600 чалавек).

Існуюць батальёны мотастралковыя (стралковыя, пяхотныя, мотапяхотныя), танкавыя, парашутна-дэсантныя, марской пяхоты, інжынерна-сапёрныя, сувязі, аўтамабільныя і іншыя.

Літаратура

Беларуская энцыклапедыя: У 18 т. Т. 2: Аршыца — Беларусцы / Рэдкал.: Г. П. Пашкоў і інш. — Мн. : БелЭн, 1996. — Т. 2. — 480 с. — 10 000 экз. — ISBN 985-11-0035-8. — ISBN 985-11-0061-7 (т. 2). С.344.
Военный энциклопедический словарь / Пред. Гл. ред. комиссии Н. В. Огарков. — М.: Воениздат, 1983. — 863 с. (руск.). С.69.