Бёміт

Бёмі́т — мінерал з групы гідраксідаў, гідраксід алюмінію AlO(OH) (Al₂O₃•H₂O). Упершыню апісаны ў 1927 годзе. Названы ў гонар нямецкага геолага І. Бёма (ням.: Johannes Bohm).

Бёміт
Формула	AlO(OH)
Прымесь	Fe, Ga, Si
Сінгонія	рамбічная
Колер	бясцолерны або белы з адценнямі
Колер рысы	белы
Бляск	матавы, перламутравы, шкляны
Празрыстасць	празрысты, паўпразрысты
Цвёрдасць	3,5—4
Спайнасць	дасканалая па {010}
Злом	няроўны, ракавісты
Шчыльнасць	3,02—3,05 г/см³
Паказчык пераламлення	nα = 1,644—1,648 nβ = 1,654—1,657 nγ = 1,661—1,668

Склад

• Гліназём (Al₂O₃) — 84,97 %
• Вада — 15,03 %
• Прымесі: гідраксіды жалеза галію і крэмнію

Уласцівасці

Крышталізуецца ў рамбічнай сінгоніі. Крышталі таблічастыя і лінзападобныя, бясколерныя або белыя з жаўтаватым, зеленаватым і ружаватым адценнем. Цвёрдасць 3,5—4 па шкале Моаса. Шчыльнасць 3,02—3,05 г/см³.

Паходжанне і радовішчы

Бёміт уваходзіць у склад асадкавых і латэрытных баксітаў. Утвараецца пры гідратэрмальных зменах палявога шпату, нефеліну. Сустракаецца ў баксітах у Расіі, Венгрыі, Італіі, ЗША, Нарвегіі, Новай Зеландыі, Францыі.

Літаратура

• Бёмі́т // Беларуская энцыклапедыя: У 18 т. Т. 3: Беларусы — Варанец / Рэдкал.: Г. П. Пашкоў і інш. — Мн. : БелЭн, 1996. — Т. 3. — С. 135—136. — 10 000 экз. — ISBN 985-11-0035-8. — ISBN 985-11-0068-4 (т. 3).
• Копысаў Ю. Р. Бёмі́т // Энцыклапедыя прыроды Беларусі. У 5-і т. Т. 1. Ааліты — Гасцінец / Рэдкал. І. П. Шамякін (гал. рэд.) і інш. — Мн.: БелСЭ імя Петруся Броўкі, 1983. — С. 292. — 575 с., іл. — 10 000 экз.

Спасылкі

• Бёмит // Кристаллов.net (руск.)
• Бемит // Каталог Минералов. Ru (руск.)
• Бёмит свойства структура // Музей естественной истории (руск.)
• Böhmite // Mindat.org (англ.)