Дэйле

Дэ́йле (нідэрл.: Dijle, фр.: Dyle, валон.: Tîle) — рака ў Бельгіі. Даўжыня — 86 км. Цячэ праз бельгійскія правінцыі: Валонскі Брабант, Брабант, Антверпен. Рака знаходзіцца ў басейне ракі Шэльда, уласны басейн складае 1289 км² . На рацэ ляжаць такія вядомыя бельгійскія гарады як Лёвен і Мехелен.

Дэйле
нідэрл. Dijle
Дэйле ў Мехелене
Характарыстыка
Даўжыня	86 км
Басейн	1 289 км²
Вадацёк
Выток	Утэн-лё-Валь
• Каардынаты	50°34′19″ пн. ш. 4°25′03″ у. д.
Вусце	Рупел ля Румста
• Каардынаты	51°04′25″ пн. ш. 4°25′12″ у. д.
Размяшчэнне
Водная сістэма	Rupel[d] → Шэльда → Паўночнае мора
Краіна	Бельгія
— выток, — вусце
Медыяфайлы на Вікісховішчы

Агульныя звесткі

Афіцыйна рака Дэмер з'яўляецца прытокам ракі Дэйле, аднак фактычна ўсё наадварот. Магчымым тлумачэннем, чаму пасля зьліцця дзвюх рэк засталася назва меншай з іх, з'яўляецца тое, што Дэйле адыграла значную ролю ў гісторыі Мехелена і Лёвена, праз якія працякае. Дэмер жа цячэ толькі праз вёскі і невядомыя мястэчкі. Акрамя таго, адыграла сваю ролю і візуальнае ўспрыняцце галоўнай ракі і прытока: Дэмер пры зліцці мае выгін, у той час як Дэйле цячэ напрасткі.

Фатаграфіі

• 
  Упадзенне Дэмер (злева) у Дэйле (справа).
• 
  Дэйле каля Сінт-Ёрыс-Верта.