Карпавыя

Карпавыя (Cyprinidae) — сямейства рыб атрада карпападобных. Звыш 1500 відаў.

Карпавыя
Карп
Навуковая класіфікацыя
прамежныя рангі Дамен:  Эўкарыёты Царства:  Жывёлы Падцарства:  Эўметазоі Без рангу:  Двухбакова-сіметрычныя Без рангу:  Другаснаротыя Тып:  Хордавыя Падтып:  Пазваночныя Інфратып:  Сківічнаротыя Клада:  Рыбы Надклас:  Касцявыя рыбы Клас:  Прамянёвапёрыя рыбы Падклас:  Навапёрыя рыбы Інфраклас:  Касцістыя рыбы Надатрад:  Ostariophysi Серыя:  Otophysi Атрад:  Карпападобныя Надсямейства:  Карпападобныя Сямейства:  Карпавыя
Міжнародная навуковая назва
Cyprinidae
Сістэматыка на Віківідах Выявы на Вікісховішчы ITIS   163342 NCBI   7953 EOL   3198 FW   64192

Апісанне

Высоўны рот абмежаваны міжсківічнымі косткамі. Зубы (1–3 рады) маюцца толькі на глотачных костках. У спінным плаўніку адзін калючы прамень. Плавальны пузыр 2–3-камерны.

Пашырэнне

Адносна цеплалюбівыя, пашыраны ў асноўным у прэсных водах Афрыкі (акрамя Мадагаскара), Еўразіі і Паўночнай Амерыкі. За Палярным кругам сустракаюцца каля 10 відаў; ў Аўстраліі і Паўднёвай Амерыцы – толькі ў штучных умовах. На Беларусі самае вялікае сямейства, аб'ядноўвае 28 відаў. Найбольш пашыраныя і шматлікія лешч, гусцяра, плотка, пячкур, верхаводка, карась залаты, краснапёрка; у сажалкавых гаспадарках і прыродных вадаёмах акліматызуюцца амур белы, таўсталобікі (стракаты і звычайны), сазан.

Рачныя і азёрна-рачныя рыбы, пераважна чародныя. Кормяцца ў асноўным доннымі або завіслымі ў вадзе арганізмамі. Нераст звычайна на добра прагрэтых мясцінах.

Многія віды маюць прамысловае значэнне. Ярка афарбаваныя трапічныя віды разводзяць у акварыумах.

Літаратура

• Карпавыя // Беларуская ССР: Кароткая энцыклапедыя. Т. 2. — Мн.: БелСЭ. 1979.