Манітсок

Манітсок (грэнл.: Maniitsoq), або Сукертапен (дацк.: Sukkertoppen) — горад у камуне Кеката (Грэнландыя).

Горад Манітсок грэнл.: Maniitsoq Краіна Данія Самакіравальная супольнасць Грэнландыя, адміністрацыйная адзінка Камуна Кеката Каардынаты 65°25′ пн. ш. 52°54′ з. д. Заснаваны 1755 Ранейшыя назвы Сукертапен Плошча 8,515 км² Насельніцтва 2670 чалавек (2013) Паштовыя індэксы 3912 Афіцыйны сайт maniitsoq.gl Манітсок на карце Даніі ±

Медыяфайлы на Вікісховішчы

Гісторыя

Цэнтр Манітсока ў 1890 г.

Горад быў заснаваны ў 1755 г. на месцы цяперашняга Кангаміўта, але перамешчаны ў 1782 г. на сваё цяперашняе месца. Археалагічныя раскопкі гавораць пра знаходжанне першых людзей яшчэ 4 тыс. гадоў назад. Галоўным чынам, сляды знаходзяць у наваколлях Сакака, пераважна культуры Туле. Еўрапейцы ўпершыню наведалі рэгіён толькі ў XVII ст. У 1832 г. была пабудавана кітабойная станцыя. У 2000 г. быў здадзены ў эксплуатацыю аэрапорт.

Муніцыпалітэт Манітсока на карце Грэнландыі

Да 2009 года з'яўляўся сталіцай аднайменнага муніцыпалітэта цэнтральнай часткі Заходняй Грэнландыі. Межаваў з Нукам на поўдні, Амасалікам на ўсходзе і Сісіміўтам на поўначы. Плошча склада 79500 км², насельніцтва муніцыпалітэта 3489 чал. (2007) з іх 2801 чал. у самым горадзе. Астатняе насельніцтва было размеркавана паміж Атамікам, Напасокам і Кангаміўтам. Паводле новага падзелу ўключаны ў склад камуны Кеката.

Геаграфія і клімат

Горад размешчаны ў глыбіні краіны з альпійскім ландшафтам, за ім ўздымаюцца горы вышынёй да 2000 м. У горах знаходзяць розныя каштоўныя камяні, як алмаз, рубін, лазурыт. Тэмпература змяняецца ад +20 °C улетку да −40 °C узімку. З жывёл сустракаюцца паўночныя алені, а з 1960-х — аўцабыкі.

Эканоміка

На сённяшні дзень асноўная крыніца даходу Манітсока — кітабойны промысел, паляванне на цюленяў, трасковае рыбалоўства, лоўля крэветкі і краба. Таксама расце турызм, прыкладна за 30 км на паўночны ўсход ад горада ляжыць ледавік Апасіўт, месца заняткаў як горнымі так і бегавымі лыжамі. З-за мноствы мастоў, якія злучаюць суседнія астраўкі Манітсок называюць грэнландскай Венецыяй.

Насельніцтва

Год Колькасць 1977 2 937 1978 2 885 1979 2 886 1980 3 008 1981 3 013 1982 3 056 1983 3 100 1984 3 166 1985 3 122 1986 3 055 1987 3 068 Год Колькасць 1988 3 043 1989 3 088 1990 3 135 1991 3 197 1992 3 048 1993 3 028 1994 3 067 1995 3 024 1996 3 000 1997 3 011 1998 3 023 Год Колькасць 1999 2 957 2000 2 929 2001 2 928 2002 2 903 2003 2 899 2004 2 881 2005 2 859 2006 2 847 2007 2 842 2008 2 771 2009 2 741 Год Колькасць 2010 2 784 2011 2 747 2012 2 715 2013 2 670 2014 2 530 2015 2 501 2016 2 567 2016 2 567 2017 2 561 2018 2 534 2020 2 534

Гарады-пабрацімы

•  Эсб’ерг, Данія

Гл. таксама

Адміністрацыйны падзел Грэнландыі

Спасылкі

• На Вікісховішчы ёсць медыяфайлы па тэме Манітсок
• Муніцыпалітэт Манітсока Архівавана 14 снежня 2007.
• www.greenland.com Архівавана 18 студзеня 2007. Інфармацыя для турыстаў у Манітсоку.