Мбанза-Конга

Мба́нза-Ко́нга (парт.: M'banza-Kongo), з 1570 г. да 1975 г. вядомы як Сан-Сальвадор (парт.: São Salvador) — горад на поўначы Анголы, адміністрацыйны цэнтр правінцыі Заірэ. Насельніцтва (2008 г.) — 83 400 чал.

Горад Мбанза-Конга парт.: M'banza-Kongo Герб Горад у 1711 г. Краіна Ангола Каардынаты 6°16′04″ пд. ш. 14°14′53″ у. д. Першая згадка 1390 Ранейшыя назвы Сан-Сальвадор Горад з 1470 Плошча 0,622 км² Вышыня цэнтра 408 м Афіцыйная мова партугальская мова Насельніцтва 148 000 чал. (2014) Нацыянальны склад баконга Канфесійны склад каталікі Часавы пояс UTC+1 Мбанза-Конга на карце Анголы

Медыяфайлы на Вікісховішчы

У 1390—1914 гг. з’яўляўся сталіцай Каралеўства Конга. У 2017 г. быў уключаны ў спіс сусветнай спадчыны ЮНЕСКА.

Гісторыя

Мяркуецца, што Мбанза-Конга быў заснаваны ў канцы XIV ст. разам з дзяржавай Каралеўства Конга. У партугальскіх крыніцах узгадваецца як галоўны цэнтр дзяржавы з 1470 г. Партугальскія вандроўнікі паведамлялі, што яго памеры былі параўнальны з горадам Эвара. У выніку войн горад двойчы пакідаўся насельнікамі. У 1705 г. яго ўзнаўленне адбылося дзякуючы прыхільнікам хрысціянскай антаніянскай ерасі, якія абвясцілі адраджэнне Конга.

У 1914 г. быў уключаны ў склад партугальскіх валоданняў у Афрыцы. У 1975 г. увайшоў у склад незалежнай дзяржавы Ангола.

Славутыя мясціны

Захаваліся рэшткі кафедральнага касцёла 1549 г., мемарыял маці караля Афонсу I, што, згодна паданням, была пахавана жыўцом, джаланкува — дрэва, пад якім адбываліся каралеўскія судовыя паседжанні.

Ахова

8 ліпеня 2017 г. старая частка Мбанза-Конга была ўключана спіс сусветнай спадчыны ЮНЕСКА.

Насельніцтва

Год Колькасць 2014 148 000

Гарады-пабрацімы

•  Рыа-дэ-Жанэйра, Бразілія (15 снежня 2022)

Спасылкі

Сусветная спадчына ЮНЕСКА, аб’ект № 1511 рус. • англ. • фр.

• Сайт ЮНЕСКА
• Віківандроўка (анг.)