Мічыган

Мічыган (англ.: Michigan) — штат на поўначы ЗША. Кветка-сімвал штата з 1897 года — яблыневы квецень. Мічыган таксама называюць «Штат Расамах» і «Штат у Вялікага Возера». Плошча штата 250,7 тыс. км² (11-е месца ў ЗША), з якіх 41,3 % — водная паверхня. Штат складаецца з 2-х паўвастравоў: Верхняга і Ніжняга, якія злучаныя паміж сабой мастом Макіна, а таксама мноства дробных астравоў. На тэрыторыі штата знаходзіцца больш за 11 тысяч дробных азёр. Мічыган мяжуе з канадскай правінцыяй Антарыа і амерыканскімі штатамі Агая, Індыяна і Вісконсін. Мае водную мяжу са штатамі Ілінойс і Мінесота.

Мічыган
англ.: State of Michigan
Герб Сцяг
Краіна	ЗША
Гімн	My Michigan[d]
Уваходзіць у	ЗША
Адміністрацыйны цэнтр	Лансінг
Дата ўтварэння	26 студзеня 1837
Кіраўнік	Грэтхен Уітмер
Насельніцтва	▲10 077 331 чал. (1 красавіка 2020)
Плошча	250 493 км²
Вышыня над узроўнем мора	275 м
Часавы пояс	EDT[d], CDT[d], зона Амерыка/Нью-Ёрк[d] і UTC-5
Код ISO 3166-2	US-MI
Афіцыйны сайт (англ.)
Медыяфайлы на Вікісховішчы

Сталіца штата — Лансінг. Найбуйнейшыя гарады — Дэтройт, Гранд-Рапідс, Уорэн. Мічыган знаходзіцца ў зоне вільготнага кантынентальнага клімата.

Гісторыя

26 студзеня 1837 года Мічыган увайшоў у склад ЗША і стаў 26-ым штатам.

Эканоміка

Дэтройт з’яўляецца цэнтрам амерыканскага машынабудавання. Таксама істотнымі крыніцамі прыбытку з’яўляюцца турызм і паляванне. Карысныя выкапні: нафта, жалезная руда, прыродны газ. Штат займае першае месца па здабычы торфа ў Злучаных Штатах.

Паводле Бюро Эканамічнага аналізу, ВУП у 2003 годзе склаў 365 млрд. Долараў.

Судовая сістэма

Судовая сістэма Мічыгана — гэта аб’яднанне ўсіх судоў штата ў рамках канцэпцыі «Адзінага суда». Гэтая канцэпцыя дапускае функцыянаванне судовай сістэмы штата як адзінага падраздзялення, якое складаецца з розных структур, кожная з якіх выконвае сваю функцыю. Судовая сістэма ўключае:

• Вярхоўны суд штата Мічыган
• Апеляцыйны суд штата Мічыган
• Суды першай інстанцыі (якія складаюцца з акруговых і раённых судоў)
• Некалькі іншых адміністрацыйных і спецыялізаваных судоў (уключаючы суды дробных цяжбаў, суды па справах аб банкруцтве, суды па справах аб спадчыне і суды прэтэнзій).

Судовая сістэма штата на 95 % фінансуецца з дзяржаўнага фонду. У 2019 годзе на яе фінансаванне было выдзелена 310 713 500$, што на 1,76 % больш, чым у 2018 годзе.

Літаратура

• На Вікісховішчы ёсць медыяфайлы па тэме Мічыган
• Беларуская энцыклапедыя: У 18 т. Т. 10: Малайзія — Мугаджары / Рэдкал.: Г. П. Пашкоў і інш. — Мн. : БелЭн, 2000. — Т. 10. — 544 с. — 10 000 экз. — ISBN 985-11-0035-8. — ISBN 985-11-0169-9 (т. 10).