Раздан (рака)

Разда́н (арм.: Հրազդան, таксама За́нгу) — найбуйнейшая рака Арменіі, левы прыток Аракса (басейн ракі Кура) на мяжы з Турцыяй. Раздан працякае праз усю краіну з поўначы на поўдзень. Даўжыня 141 км, плошча басейна з басейнам возера Севан 7310 км², плошча басейна самога Раздана — 2560 км². Працякае праз сталіцу Арменіі Ерэван. На рацэ размешчана гідраэлектрастанцыя.

Раздан
арм. Հրազդան
Характарыстыка
Даўжыня	141 км
Басейн	2 560 км²
Расход вады	17,9 м³/с
Вадацёк
Выток	Возера Севан
• Каардынаты	40°33′08″ пн. ш. 44°59′21″ у. д.
Вусце	Аракс
• Каардынаты	39°59′25″ пн. ш. 44°27′10″ у. д.
Размяшчэнне
Водная сістэма	Аракс → Кура → Каспійскае мора
Краіна	Арменія
— выток, — вусце
Медыяфайлы на Вікісховішчы

Раздан выцякае з возера Севан у яго паўднёва-ўсходняй частцы, непадалёку ад горада Севан. У вярхоўях рака цячэ па горнай даліне (непадалёк ад патухлага вулкана Ара лер) на поўдзень, да Ерэвана. У наваколлі Ерэвана Раздан робіць некалькі крутых згібаў. У нізоўях рака цячэ па Арарацкай раўніне, і нарэшце ўпадае ў Аракс на мяжы з Турцыяй.

Паміж 1932 і 1962 гадамі на рацэ быў узведзены каскад з шасці гідраэлектрастанцый.