Ротэрдам

Ротэрдам
Герб[d]	Сцяг[d]
Краіна	Нідэрланды
Правінцыя	Паўднёвая Галандыя
Каардынаты	51°55′51″ пн. ш. 4°28′45″ у. д.HGЯO
Кіраўнік	Ахмед Абуталеб (PvdA)
Плошча	319,35 км²
Вышыня цэнтра	10 м
Водныя аб’екты	Nieuwe Waterweg[d] і Nieuwe Maas[d]
Насельніцтва	588 500 чалавек (2006)
Шчыльнасць	1843 чал./км²
Часавы пояс	UTC+1, летам UTC+2
Тэлефонны код	+31 10
Паштовы індэкс	3000
Афіцыйны сайт	rotterdam.nl
Транспартныя артэрыі	A4, A13, А15, А16, А20
	Медыяфайлы на Вікісховішчы

Ротэрдам (нідэрл.: Rotterdam, нідэрландскае вымаўленне^ⓘ) — горад у Нідэрландах. Размешчаны пры ўпадзенні ракі Маас у Паўночнае мора. Насельніцтва 600 тыс. жыхароў (1999).

Буйны транспартны вузел (чыгунка і шашэйныя дарогі); марскі (на Паўночным моры) і рачны (рака Маас) парты; аэрапорт. Цэнтр машынабудавання; музеі, тэатры (оперы і балета, драмы), бібліятэкі.

Гісторыя

На тэрыторыі сучаснага Ротэрдама паселішча вядома з IX ст., у пісьмовых крыніцах — з 1282. 3 1340 горад. У 1572 захоплены і разрабаваны іспанцамі, далучыўся да паўстання Нідэрландаў супраць іспанскага панавання. Пасля адмены ў 1685 Нанцкага эдыкта ў Ротэрдам перасялілася шмат французскіх пратэстантаў (гандляры і рамеснікі). У XVII—XVIII стст. цэнтр гандлю (у асноўным з Францыяй і Англіяй), караблебудаўніцтва і сукнаробства. Пасля злучэння ў 1882 Ротэрдама каналам з Паўночным морам — адзін з найбуйнейшых партоў свету. У 2-ю сусветную вайну моцна пацярпеў ад нямецкіх бамбардзіровак.

Гаспадарка

Ротэрдам — найбуйнейшы порт у Еўропе. З 2004 г. азіяцкія парты, такія як Сінгапур і Шанхай, занялі лідзіруючыя пазіцыі ў свеце, адабраўшы пальму першынства ў Ротэрдама. Станам на 2004 г. Ротэрдам з’яўляецца сёмым портам свету па колькасці апрацоўваных кантэйнераў (TEU).

Найбольш значным сектарам дзейнасці порта Ротэрдам з’яўляецца нафтахімічная прамысловасць і апрацоўка генеральных грузаў. Порт з’яўляецца адным з найважнейшых цэнтраў па апрацоўцы насыпных, наліўных, кантэйнерных і іншых грузаў як усярэдзіне Еўрапейскага кантынента, так і па ўсім свеце. Акрамя марскога транспарту, з Ротэрдамам наладжана злучэнне з дапамогай аўтамабільнага, чыгуначнага, рачнога і авіятранспарту. З 2000 г. пачалося будаўніцтва хуткаснай грузавой чыгункі Betuweroute, якая злучае Ротэрдам з Германіяй. Рэкі Маас і Рэйн забяспечваюць злучэнне з унутранымі раёнамі кантынента. Ва ўсходняй частцы порта размешчаныя найбуйнейшыя нафтаперапрацоўчыя заводы.

Адукацыя і навука

Універсітэт імя Эразма Ратэрдамскага, Акадэмія мастацтваў, Нацыянальны інстытут навігацыі і караблебудавання і інш.

Культура

Музеі: гістарычны, марскі, горада, этналогіі. Карцінная галерэя.

Горад прымаў дзіцячае Еўрабачанне 2007. Штогод у канцы студзеня ў горадзе праходзіць міжнародны кінафестываль.

Спорт

У Ротэрдаме базіруюцца тры клубы выступоўцаў у вышэйшай лізе чэмпіянату Нідэрландаў па футболу: Феенорд, Спарта і Эксельсіор.

Славутасці

Гатычныя цэрквы (XV ст.), у тым ліку царква Сінт-Лаўрэнскерк, дамы і ветраныя млыны (XVII—XVIII ст.).

Вядомыя асобы

Зноскі

↑ А таксама 112,91 км² вады.
↑ ^а ^б https://it-ch.topographic-map.com/map-m5xbz4/Rotterdam/?zoom=19&center=51.92259%2C4.47932&popup=51.92274%2C4.47927

Літаратура

Ротэрдам // Беларуская энцыклапедыя: У 18 т. Т. 13: Праміле — Рэлаксін / Рэдкал.: Г. П. Пашкоў і інш. — Мн. : БелЭн, 2001. — Т. 13. — С. 412. — 10 000 экз. — ISBN 985-11-0035-8. — ISBN 985-11-0216-4 (т. 13).

Спасылкі

На Вікісховішчы ёсць медыяфайлы па тэме Ротэрдам
Ротэрдам Архівавана 26 красавіка 2007. — даведнік па горадзе

[1] А таксама 112,91 км² вады.

[_4579a631568d48e6-2] а ^б https://it-ch.topographic-map.com/map-m5xbz4/Rotterdam/?zoom=19&center=51.92259%2C4.47932&popup=51.92274%2C4.47927

[1]

[2]