Сквош
Сквош (англ.: squash), ракетбол — спартыўная гульня з гумавым мячом (дыяметр каля 4 см) і ракеткамі на прамавугольнай пляцоўцы (корце), абмежаванай сценкамі. Гуляюць двое або чацвёра (парамі). Мэта падтрымліваць — мяч у гульні і пры гэтым перашкаджаць дзеянням суперніка.
Узнік у сярэдзіне XIX стагоддзя ў Вялікабрытаніі. Першыя клубы арганізаваліся ў 1890-х гадах. Спаборніцтвы праводзяцца з 1920 года, чэмпіянаты свету — з 1930 года. Існуюць варыянты гульні: «брытанскі» («мяккі» або «міжнародны») і «амерыканскі» («жорсткі», або хардбол). Найбольш пашыраны ў некаторых краінах Еўропы, Паўночнай Амерыкі, Паўднёва-Усходняй Азіі.
Літаратура
правіць- Сквош // Беларуская энцыклапедыя: У 18 т. Т. 14: Рэле — Слаявіна / Рэдкал.: Г. П. Пашкоў і інш. — Мн. : БелЭн, 2002. — Т. 14. — С. 453. — 10 000 экз. — ISBN 985-11-0035-8. — ISBN 985-11-0238-5 (т. 14).