Філіпа Ліпі

Фра Філіпа Ліпі (італ. Fra Filippo Lippi, 1406-1469) — фларэнційскі жывапісец, адзін з найслынных майстроў ранняга італьянскага Адраджэння.

Філіпа Ліпі
Аўтапартрэт Філіпа Ліпі, дэталь фрэскі ў Спалецкім саборы
Імя пры нараджэнні	Filippo Lippi
Дата нараджэння	каля 1406
Месца нараджэння	Фларэнцыя
Дата смерці	8 кастрычніка 1469(1469-10-08)
Месца смерці	Спалета
Месца пахавання	Спалецкі сабор[d] Filippo Lippi tomb[d]
Грамадзянства	Фларэнційская рэспубліка
Дзеці	Філіпіна Ліпі
Род дзейнасці	мастак, фрэскіст
Жанр	жанравы жывапіс, гістарычны жывапіс, ню, партрэт, рэлігійны жывапіс[d] і анімалістычны жывапіс[d]
Мастацкі кірунак	Адраджэнне
Уплыў	Мазаліна і Мазачыа
Уплыў на	Сандра Бацічэлі, Філіпіна Ліпі, Francesco Pesellino[d], Pseudo-Pier Francesco Fiorentino[d] і Pier Francesco Fiorentino[d]
Медыяфайлы на Вікісховішчы

Біяграфія

Філіпа Ліпі (па бацьку — Філіпа ды Тамаза) нарадзіўся ў Фларэнцыі, як мяркуюць, 8 кастрычніка 1406 года, у сям’і беднага мясніка. У раннім дзяцінстве страціў бацькоў і застаўся на апецы цёткі, ад якой некаторы час быў узяты на выхаванне, з літасці, браціяй манастыра дэль-Кармінэ, дзе ў 15 гадоў прыняў зарок манаства («фра» — скарачэнне ад італ. Frate, г.зн. брат). Як мастак развіўся пад уплывам Мазаліна і Мазача; на яго мастацкую адукацыю таксама паўплываў Фра Анджэліка Ф’езольскі.

Кінуўшы ў 1431 манастырскае жыццё, Ліпі працягваў, аднак, насіць манаскую вопратку. Старадаўнія біёграфы распавядаюць, быццам ён быў захоплены ў Анкона берберыйскімі піратамі, вывезены імі ў Афрыку і правёў там некалькі гадоў у рабстве. І быццам Ліпі так уразіў гаспадара сваім мастацтвам, што той адпусціў яго на волю. Аднак гэта паданне не пацвярджаецца дакументамі.

Ф. Ліпі. Мадонна на троне.

Але не падлягае сумневу іншы эпізод у жыцці Ліпі — выкраданне ім у 1456 г. з жаночага манастыра ў Прата маладой манашкі Лукрэцыі Буці і жаніцьба на ёй, з прычыны якой яму прыйшлося выпрабаваць шмат непрыемнасцяў і трывог, пакуль папа, па хадайніцтве Козіма Медычы, не вызваліў мужа і жонку ад манаскага зароку і не прызнаў іх шлюб законным. Аднак і пасля таго, нягледзячы на сваю гучную вядомасць, Ліпі не ведаў спакою і па прычыне свайго бязладнага жыцця і марнатраўнасці быў пераследуем крэдыторамі.

Працаваў пераважна ў Фларэнцыі, некаторы час у Падуі (1434), у Прата (1453-65) і нарэшце ў Спалета, дзе і памёр 9 кастрычніка 1469 г.

Быў настаўнікам Сандра Бацічэлі.

Галерэя

• 
  Мадонна з двума анёламі
• 
  Дабравешчанне. 1450. Старая пінакатэка. Мюнхен

Спасылкі

• На Вікісховішчы ёсць медыяфайлы па тэме Філіпа Ліпі
• Фра Філіпа Ліпі на artcyclopedia.com
• Фра Філіпа Ліпі (1406—1469) на style-epohi.ru

Пры напісанні артыкула выкарыстаны матэрыял з Энцыклапедычнага слоўніка Бракгаўза і Эфрона (1890—1907).