Hamearis lucina — дзённы матылёк сямейства Riodinidae.
Размах крылаў асобін, якія жывуць на тэрыторыі Расіі — 14-17 мм. На поўдні арэала размах крылаў самцоў 29-31 мм, самак 31-34 мм.
Верх крылаў цёмна-карычневы з аранжава-чырвона-карычневымі плямамі. Плямы больш выяўленыя на пярэдніх крылах. Ніжні бок крылаў карычневага колеру, з чырвонымі плямамі, а на задніх крылах яшчэ і з белымі.
Еўропа, акрамя Паўднёвай Іспаніі, мацерыковай Італіі, Корсікі, Грэцыі, Сардзініі. На поўначы Еўропы адсутнічае на большай частцы Вялікабрытаніі, у Ірландыі, Даніі, большай частцы тэрыторыі Скандынавіі і Фінляндыі.
Малая Азія, на поўдні еўрапейскай часткі Расіі, Украіна.
Зона змяшаных лясоў і лесастэп. Узлескі лісцяных лясоў, лясныя лугі, абочыны дарог, хмызняковыя зараснікі ў вільготных месцах, ахоўныя лясныя палосы, аддае перавагу пагорыстай мясцовасці, вапнавым глебам.
Май — канец чэрвеня. У паўднёвай частцы арэала бывае другое пакаленне, яно развіваецца ў жніўні—верасні.
Самка адкладвае па 1—2 яйку на ніжнюю паверхню лісця кармавой расліны. Вусені з'яўляюцца праз 2 тыдні. Стадыя вусеня — чэрвень—жнівень. Кармавыя расліны — род Primula, па-за тэрыторыяй Расіі — першацвет высокі (Primula elatior). Маюцца дадзеныя пра харчаванне вусеняў на шчаўі. Зімуюць вусені малодшага ўзросту ў сухіх апалых лістах на паверхні грунту.
Колькасць нізкая, з тэндэнцыяй да зніжэння, хоць месцамі можа быць адносна высокай. Пры спрыяльных умовах колькасць часам складае 10-20 асобін на 1 га. Сустракаецца лакальна. Назіраецца значнае скарачэнне арэала і агульнай колькасці віду.
Зноскі
