Pulo Irlan

Pulo Irlan (hurup Arab Gundul: فولو ايرلند; Ir: Éire [ˈeːɾʲə] ^ⓘ; Skot-Ulster: Airlann [ˈɑːrlən]) entu atu pulo di Atlantik Lor. Ni pulo panjangnya kira-kira 486 kilomèter (302 mil) èn lèbarnya 288 kilomèter (179 mil).^[1] Di bekulonnya Pulo Ir ada Laotan Atlantik; di blètannya ada Pulo Britani Gedé. Ada sekitar 6.4 juta orang tinggal di ni pulo selamanya tahon 2016.^[2]^[3]

Negara

Wayah gini, ni Pulo Irlan kebentuk deri dua negara, ya'entu: Kiblik Irlan èn Irlan Lor.

Kiblik Irlan ada atu negara daulat nyang nglingkup 84%-nya ni pulo. Dia punya hopstad ama kota paling gedé entu Dublin. Dia punya basa resmi entu basa Ir ama Inggris.
Irlan Lor, nyang jadi bagèan negeri nyang empat deri Kerajaan Rempug, cuman di 13%-nya ni pulo doang èn di belah lor-wètannya. Dia punya penduduk ada 1,8 jutaan orang. Sebagé lagi, dia punya hopstad èn kota paling gedé – Bèlpas.
Selamanya tahon 1550-an èn 1650-an ada empat ondernèming^[4]^[5] atawa langbow^[6] di pulo Ir.

Sedari tahon 1801 ampé 1921, semua Irlan punya bagèan masup èhendom atu negara nyang sama, nama Kerajaan Rempug Britani Gedé èn Irlan. Walakin di tahon 1919, perang pecah, Perang Kemerdékaan Irlan, èn per tanggal 6 Désèmber 1921, Negeri Merdéka Ir – merdéka. Seabisnya dibelakonin wèt dasar anyar di tahon 1937, itu negeri jadi kiblik. Irlan Lor tetep ngejogrog bareng KR, nyang mulain Jaman-jaman susah di tahon 1960-an èn akirnya di tahon 1998 dengen adanya penèkenan Kesepakatan Bèlpas.

Ruju'an

↑ "Location, size, and extent - Ireland - located, area". www.nationsencyclopedia.com. Dicomot 13 Juli 2023.
↑ "Census 2016 Summary Results." Dipungut 13 Juli 2023.
↑ "2017 Mid Year Population Estimates for Northern Ireland". Northern Ireland Statistics and Research Agency. 11 June 2018. Dipungut 13 Juli 2023.
↑ Chaer, Abdul. (2009). Kamus Dialek Jakarta. K. Rép. Penerbit Masup Jakarta. Ondernèming (hurup Arab Gundul: اندرنيميڠ) – perkebunan (Indo.); plantation (Ing.)
↑ Saidi, Ridwan. (2007). Glosari Betawi: Kamus kata-kata, nama, dan peristiwa dari zaman prasejarah hingga zaman moderen. Betawi Ngeriung. Ondernèming (hurup Arab Gundul: اندرنيميڠ) – perkebunan (Indo.); plantation (Ing.).
↑ Chaer, Abdul. (2009). Kamus Dialek Jakarta. K. Rép. Penerbit Masup Jakarta. Langbow (hurup Arab Gundul: لڠبو) – perkebunan (Indo.); plantation (Ing.); landgebouw (Wld.).

[1] "Location, size, and extent - Ireland - located, area". www.nationsencyclopedia.com. Dicomot 13 Juli 2023.

[2] "Census 2016 Summary Results." Dipungut 13 Juli 2023.

[3] "2017 Mid Year Population Estimates for Northern Ireland". Northern Ireland Statistics and Research Agency. 11 June 2018. Dipungut 13 Juli 2023.

[4] Chaer, Abdul. (2009). Kamus Dialek Jakarta. K. Rép. Penerbit Masup Jakarta. Ondernèming (hurup Arab Gundul: اندرنيميڠ) – perkebunan (Indo.); plantation (Ing.)

[5] Saidi, Ridwan. (2007). Glosari Betawi: Kamus kata-kata, nama, dan peristiwa dari zaman prasejarah hingga zaman moderen. Betawi Ngeriung. Ondernèming (hurup Arab Gundul: اندرنيميڠ) – perkebunan (Indo.); plantation (Ing.).

[6] Chaer, Abdul. (2009). Kamus Dialek Jakarta. K. Rép. Penerbit Masup Jakarta. Langbow (hurup Arab Gundul: لڠبو) – perkebunan (Indo.); plantation (Ing.); landgebouw (Wld.).

[1]

[2]

[3]

[4]

[5]

[6]