Bawang Bombay
Bawang bombay (Latin: Allium Cepa Linnaeus) adalah parian bawang nang paling banyak urang mananamnya, dipakai jadi bumbu lawan jua bahan masakan,tagasnya bulat ganal wan badaging kandal.[1]
| ?Bawang bombai | ||||||||||
|---|---|---|---|---|---|---|---|---|---|---|
 Bawang bombai
| ||||||||||
| Klasifikasi ilmiah | ||||||||||
| ||||||||||
| Ngaran binomial | ||||||||||
| Allium cepa L. |
Bawang bombay rajin dipakai gasan bamasak makanan di Indunisia, kada wastu dipakai jadi hiasan tagal juwa sasukat matan masakan marga tagasnya nang ganal wan kandal dagingnya.[2] Disambat bawang bombay marga dibawa lawan bubuhuan panjaja nang tiba tumatan kuta Bombai (Mumbai wayahini) di India ka Indunisia.[2]
Sajarah
babakDitengarai bawang bombay tmatan Asia Tengah, kamungkinan Palestina, imbah tu tabawa sampai ka Eropa wan India, wan masuk dibawa lawan bubuhan panjaja matan sana.[3] Kamungkinan ganal bawang bombay masuk ka Indunisia baimbaian duwa masuknya bubuhan panjaja matan India atawa panjajah matan Walanda. Urang Walanda suah manarai batanam bawang bombay di Padang, tagal gagal.[3] Tanah nang tarasuk ditengarai di Karo marga tabukti kulihannya sasuai parkiraan.[3] Wayah panambayan, bawang bomba dipakai urang gasan masakan Cina wan Eropa, tagal dudinya banyak makanan Indunisia nang mamakai bawang ngini.[3]
Tagas
babakBawang bombay baisi bau nang talain bila dibanding lawan bawang habang biasa, bungkahnya batagas matan lapisan-lapisan daun nang baganal wan manyatu.[2] Rapunnya tumbuh cagat ka atas, akarnya sarabut wan kada tapi panjang (±10c), daunnya batagas nangkaya pipa tagal pipih babalang hijau tuha wan baukuran taganal dibanding daun bawang habang biasa.[3] Batang palsunya marupakan palapah daun wan maungkara bakas cincin-cincin, pangkal palapahnya malibar wan mangandal maulah bangkak ganal nang baguna gasan manyimpan cadangan makanan, bangkak nitu iya bungkah bawang.[3]
Pada bagian pangkal bungkah ada batang rudimenter nang mahirip cakram nang marupakan bawang nang bujuran.[3] Kambangnya babanyak wan batagas mambulat lawan tangkai kambang ganal, kuat lawan jua ganal di bagian bawah.[3] Pada hujung tangkai kambang bahanu batagas bungkah-bungkah halus nang kawa juwa dipakai jadi paung.[3] Kambang bawang bombay kawa juwa batagas bigi nang cukup lawan babalang hirang.[3]
Batanam
babakBawang bombay rasuk ditanam di dairah pasisir lawan suhu 18-20 °C.[4] Hindauan matahari panjang ma-14 jam saharian.[4] Katinggian wadah tanamnya 800 mitir di atas parmukaan laut.[4] Ada juwa nang manyambat katinggiannya musti di atas 2000 m dpl.[3] Tanah bahabu nang kadar asam maantara 5,5-6,5 pH lawan drainase nang baik jadi pikaras utama supaya kada maulah bungkah bawang mambusuk marga tarandam banyu.[4] Pilihlah bawang nang baukuran 10-20/bungkah, diparluakan 1500–2000 kg, atawa ± 90.000 bungkah gasan satu hiktar.[4]
Jujuhutan
babak- ^ Brewster, James L. (1994). Onions and other vegetable alliums (edisi ke-1). Wallingford, UK: CAB International. hlm. 16. ISBN 0-85198-753-2.
- ^ a b c (Bahasa Indonesia) Yati Supriyati, Ersi Herliana., Bertanam 15 Sayuran Organik dalam Pot, Jakarta: Penebar Swadaya, 2010, Hal. 55
- ^ a b c d e f g h i j k (Bahasa Indonesia) Singgih Widodo., Budidaya Bawang dan Bombay, Jakarta: Penebar Swadaya, 2007, Hal. 136-160
- ^ a b c d e (Bahasa Indonesia) Rahmat Rukmana., BAWANG MERAH, Budi Daya & Pengolahan Pascapanen, Yogyakarta: Kanisius, Hal. 29-35