Biudisil
Biudisil adalah bahan bakar nang mamiliki campuran munu-alkil istir matan asam lamak barantai panjang. Biudisil kawa diulah matan minyak nabati, minyak binatang, limbah pahumaan, hingga alga.[1] Biudisil ini biasanya kawa jua digabung lawan minyak sular nang dipakai gasan mutur atawa alat pabrik nang mamakai masin disil.[2]
Kalabihan wan kakurangan
babakBiudisil ngini kawa sagan bahan bakar hayati nang manggantiakan disil, maraga kawa mangurangi pangaluaran gas rumah kaca wan ratik-ratik halus nang kawa marigati udara. Bahan bakar ngini kawa mahasilakan kurang matan 50% karbun diuksida nang dihasilakan ulih disil biasa, mahasilakan kadar balirang nang randah banar, wan kada mahasilakan zat-zat nang managdung racun.Lain pada ngitu, biodisil ngini taimit pada bahan bakar lain, tarikan masinnya tabagus, ramah lingkungan, kawa dihanyari, kawa mangurangi katargantungan lawan bahan bakar fusil, wan nyama diulah.[1][3]
Biudisil jua baisi kakurangan, di antaranya mamakai lahan wan banyak, pamakaian banyu nang tabanyak, inirgi nang haran, pamakaian pupuk atawa pistisida sagan maulah bahan bakunya, tatumbur lawan kaparluan makanan, harus disimpan di wadah nang tartantu, wan lainnya.[4] Lain pada ngitu, di Indunisia, biudisil masih tamasuk larang bila dibandingakan lawan bahan bakar nang lain, yaitu sekitar Rp 19.000,00 - Rp 20.000,00 per litar. Hal ini maulah pamarintah maulah kabijakan sagan mangurangi biaya maulah biudil, nang kayak pangambangan katalis habang putih hingga paningkatan kapasitas pruduksi.[1]
Kabijakan Pamarintah Indunisia
babakPamarintah Indunisia maulah paraturan, yaitu Paraturan Mantiri ESDM Numur 12 Tahun 2015. Isi paraturan ngitu antara lain pamakaian biudisil sabanyak 20% matan campuran bahan bakar sagan kandaraan umum atawa tamppat usaha. Hal ini dilakuakan sagan mahandar pamakaian campuran bahan bakar tahanyarakan hingga 23% pada tahun 2025 wan 31% pada tahun 2050.[1]
Jujuhutan
babak- ^ a b c d Budiman, Arief; Suyono, Eko Agus; Dewayanto, Nugroho; Dewati, Putri Restu; Pradana, Yano Surya; Widawati, Teta Fathya (2023). Biorefinery Mikroalga. Sleman, D.I. Yogyakarta: Gadjah Mada University Press. ISBN 9786233591201.
- ^ "Apa Itu Bioetanol, Biodiesel, dan Biogas? | Indonesia Baik". indonesiabaik.id. Diakses tanggal 2023-10-05.
- ^ Liputan6.com (2023-03-24). "Biodiesel adalah Bahan Bakar dari Sumber Terbarukan, Berikut Kelebihan dan Kekurangannya". liputan6.com (dalam bahasa Indonesia). Diakses tanggal 2023-10-05.
- ^ Indonesia, Bisnis. "Biodiesel: Kelebihan dan Kekurangan dalam Era Energi Terbarukan - Bisnis Indonesia". Bisnisindonesia.id (dalam bahasa Indonesia). Diakses tanggal 2023-10-05.[permanent dead link]