Ibnu Sina

Ibnu Sina (980-1037) dipatuhi jua sabagai "Avicenna" di dunia Barat adalah seorang filsuf, ilmuwan, wan dokter karanakan Persia (wayah ini Iran). Sidin seorang penulis nang cangkal; sabagian ganal karyanya adalah pasal filosofi wan kedokteran. Gasan banyak urang, sidin ialah "Bapak Kedokteran Modern". Karyanya nang paling dipinandui adalah al-Qānūn fī aṭ-Ṭibb. Karya ngintu jadi rujukan di bidang kedokteran selawas berabad-abad.

Avicenna

Karya-karya

Ada babarapa karya matan Ibnu Sina nang kaya:

• Al-Shifa', buku nang tadiri matan ampat bagian, logika, fisika, matamatika, wan metafisika.
• Al-Najat, buku ngini suah ditarbitakan baimbai lawan Al-Qanun dalam ilmu kedokteran pas tahun 1593 M. di Roma wan 1331 M di Mesir.
• Al-Ishârat wa al-Tanbihât, yaitu buku nang suah ditarbitakan di Leiden pas tahun 1892 M wan di tarjamahakan ka dalam basa Prancis, di tarbitakan di Kairo pada tahun 1947 di bawah asuhan Dr. Sulaiman Dunia.
• Al-Hikmat al-Mashriqiyyahĥ, buku ngini ada nang manyambat baisi tasawuf, tagal manurut Carles Nallino, baisi filsafat timur sabagai imbangan matan filsafat barat.
• Al-Qânûn atawa Canon of Medicine, buku ngini suah jadi buku standar hagan universitas di Irupa sampai pauncitan abad 27 M.
• Al-Sâdiyyah, buku tentang ilmu kedokteran
• Al-Muwsiqah, buku tentang musik
• Al-Mantiq, buku tantang ilmu mantik
• Kamûs al-‘Arabî, tadiri matan 5 jilid
• Danis Nameh, buku tantang filsafat
• Uyûm al-Hikmah, buku tantang filsafat tadiri matan 10 jilid
• Mujiz al-Kabîr wa al-Saghîr, buku tantang dasar-dasar ilmu logika sacara langkap
• Al-Insâf, yaitu buku tantang kaadilan sejati
• Al-Hudûd, buku nang mangandung istilah-istilah wan pangartian-pangartian dalam ilmu filsafat
• Al-Najâh, naitu buku tentang kebahagiaan jiwa.