Kaluang

Kaluang adalah angguta bangsa kalalawar (Chiroptera) nang tagulung dalam familia Pteropodidae, satu-satunya familia angguta subordo Megachiroptera. Kata "kaluang" rancak diguna'akan gasan manyambat kalalawar dalam pamandiran sahari-hari, walaupun sacara ilmiah hal ini kada sapanuhnya bujur, marga kada samunyaan kalalawar adalah kaluang. Kaluang adalah hérbivora, dan wastu mamakan buah-buahan atawa mahisap néktar matan kambang. Walaupun kaluang pada umumnya labih ganal daripada kalalawar, tagal kada samuanya samintu. Ada jua babarapa spésiés nang panjangnya wastu sakitar 6 séntimitir.

?Kaluang Rentang fosil: Oligocene–Recent PraЄ Є O S D C P T J K Pg N
Kaluang ganal, Cynopterus titthaecheilus
Klasifikasi ilmiah
Karajaan: Animalia Filum: Chordata Kelas: Mammalia Ordo: Chiroptera Upaordo: Megachiroptera atawa Yinpterochiroptera Dobson, 1875 Famili: Pteropodidae Gray, 1821
Subfamilia
Macroglossinae Pteropodinae

Kaluang baisi mata nang ganal sahingga walaupun kada salandap mata manusia, inya hingkat malihat kala sungsung atawa di dalam guha nang kadap. Indera nang sacara utama diguna'akan gasan navigasi adalah daya panciumannya nang landap. Inya kada mangandalakan diri pada daya pandangaran nangkaya halnya kalalawar, lawan kakacualian satu spésiés kaluang Mesir (Rousettus egyptiacus).

Walaupun kalalawar sacara umum kawa didapatakan di saluruh dunia, kaluang wastu didapatakan di dairah-dairah tropis di Asia, Aprika dan Oséania.

Daptar marga

Suku Pteropodidae dibagi manjadi dua anak-suku (subfamilia) nang saluruhnya ba'angguta sakitar 188 spésiés, dalam 43 marga:

Kaluang kacamata (Pteropus conspicillatus)

Suku PTEROPODIDAE

• Subfamilia Macroglossinae
  • Marga Macroglossus – kaluang-pisang, cecadu pisang; 2 spp.
  • Marga Megaloglossus, 1 sp.
  • Marga Eonycteris – kaluang fajar-guha, lalai; 3 spp.
  • Marga Syconycteris – kaluang-kambang; 3 spp.
  • Marga Melonycteris, 3 spp.
  • Marga Notopteris – kaluang ikung-panjang; 2 spp.
• Subfamilia Pteropodinae
  • Marga Eidolon, 2 spp.
  • Marga Lissonycteris, 1 sp.
  • Marga Rousettus – nyap, kaluang-roset; 10 spp.
  • Marga Myonycteris, 3 spp.
  • Marga Pteropus – kaluang; 66 sp.
  • Marga Acerodon – kaluang; 5 spp.
  • Marga Neopteryx – kaluang gigi-halus; 1 sp. Endemik Sulawesi.
  • Marga Pteralopex, 5 spp.
  • Marga Mirimiri, 1 sp. Fiji.
  • Marga Styloctenium – kaluang muha-garis; 2 spp.
  • Marga Dobsonia – kubu; 13 spp.
  • Marga Aproteles, 1 sp.
  • Marga Harpyionycteris – kaluang-harpi; 2 spp.
  • Marga Plerotes, 1 sp
  • Marga Hypsignathus, 1 sp.
  • Marga Epomops, 3 spp.
  • Marga Epomophorus, 8 spp.
  • Marga Micropteropus, 2 spp.
  • Marga Nanonycteris, 1 sp.
  • Marga Scotonycteris, 2 spp.
  • Marga Casinycteris, 1 sp.
  • Marga Cynopterus – kaluang, 7 spp.
  • Marga Megaerops – tungkol, kaluang kada baikung; 4 spp.
  • Marga Ptenochirus, 2 spp.
  • Marga Dyacopterus – kusing, kaluang dayak, 2 spp.
  • Marga Chironax – bukal kapala-hirang, 1 sp.
  • Marga Thoopterus, 1 sp.
  • Marga Sphaerias, 1 sp.
  • Marga Balionycteris – langai-isiq, kaluang halar-bintik, 1 sp.
  • Marga Aethalops – codot bukit, 2 spp.
  • Marga Penthetor – kaluang-halus kalabu, 1 sp.
  • Marga Haplonycteris, 1 sp.
  • Marga Otopteropus, 1 sp.
  • Marga Alionycteris, 1 sp.
  • Marga Latidens, 1 sp.
  • Marga Nyctimene – paniki, 16 spp.
  • Marga Paranyctimene – paniki papua, 2 spp.