Malam
Malam adalah waktu imbah matahari tinggalam sampai matahari cungul[1]. Malam jua kawa diartiakan sabagai sabuting masa (waktu) di mana sabuah dairah rahatan baandak di pusisi nang kada bahadapan lawan matahari, wan ulih marga ngitu jadi kadap. Wayah balahan palanit bumi rahatan maalami waktu malam hari ngini, balahan nang lain pacangan maalami waktu tangah hari. Malam hari bahanu diartiakan sabagai waktu antara tinggalamnya matahari di upuk (horizon) subalah barat sampai cungulnya matahari di upuk subalah timur wayah kaisukannya.
Marga rutasi bumi nang baulai matan ampah barat ka timur, maka tangah hari wan malam hari cagar basalang-saling, wan manawas sahari nang tadiri matan 24 jam.
Lawasnya waktu malam cagar balain-lain gasan musim nang lain, tautama gasan dairah nang mamaraki kutup. Di nagara Amirika Sarikat misalnya, amun wayah musim panas (bulan Juli wan Agustus) malam pacangan tatumat daripada wayah musim dingin (bulan Disimbir wan Januari).
Malam dalam pamakaian gawian saban hari adalah waktu nang baandak di antara pukul 19.00 sampai pukul 00.00.
Riparinsi
babak- ^ Departemen Pendidikan Nasional, Kamus Besar Bahasa Indonesia edisi keempat tahun 2008. https://kbbi.kemdikbud.go.id/entri/malam