Bacchus

Bacchus pe Bakus eo anv doue ar gwin gant ar Romaned, mab da Yaou ha da Semele. Tennañ a ra un tamm d'an doue hellazat Dionysos, met n'eo ket ken pinvidik e bersonelezh evel hini Dionysos: ul lonker eo Bacchus, ha netra ken, doue an debordoù hag an diroll.

Bacco e Arianna (Bacchus hag Ariadna), livet gant Tizian

Penn Bacchus

Bacchus, Museo del Bardo, IIvet kantved

Poull-dour Bacchus, e liorzhoù kastell Versailhez.

Klotañ a rae ivez gant an doue etrusk kozh Liber Pater, ha mesket e veze anvioù an daou zoue hag al lidoù dezhe.

Degouezhout a reas ar c'hiz da azeuliñ an doue hag ar Bachanalia, en Italia war-dro an Eil kantved kent JK. Peogwir e save dizurzh e voe berzet al lidoù gant ar Sened e 186 kent JK.

En amzer an Azginivelezh, pa vo implijet ar mojennoù hellazat eo anv Bacchus hepken a vo adkemeret, evel ma weler en anvioù al livadurioù.

Bacchus en arzoù

Lennegezh

• Il Trionfo di Bacco e Arianna, kanaouenn eus ar XV^vet kantved gant Lorenzo de' Medici, kanet gant Angelo Branduardi en e bladenn it:Domenica e lunedì
• Bacco in Toscana, ditiramb gant Francesco Redi

C'hoariva

• Le Baccanti - Trajedienn Euripides
• Le Baccanti - Drama gant Erik Johann Stagnelius

Delwennoù

• Bacco kizelladur gant Michelangelo.
• Bacco kizelladur gant Jacopo Sansovino.

Livadurioù

• Bacco, taolenn gant Leonardo da Vinci (1452-1519).
• Bacco e Arianna, taolenn gant Tizian (1520-1523).
• Bacchus, taolenn gant Caravaggio (1571-1610).
• Bacchino malato, taolenn gant Caravaggio.
• Los borrachos o el triunfo de Baco, taolenn gant Diego Velázquez (1628-1629).
• Il trionfo di Bacco e Arianna, murlivadur gant Annibale Carracci (1597-1600).

E yezhoù all

• Bacco eo an an anv italianek, ha diwarnañ eo deuet an anvioù-badez Bacolo ha Bacisio. Per Bacco zo ur sakreadenn voutin en italianeg.

Liammoù diavaez

• "Il Trionfo di Bacco e Arianna" gant Angelo Branduardi