Gast

Ur bajenn disheñvelout eo homañ, da lavarout eo ur roll pennadoù hag a zo damheñvel o anv. Bremañ e c'hallit dibab ennañ ar pennad emaoc'h o klask. Mard oc'h bet degaset amañ dre ul liamm diabarzh en ur pennad e c'hallit kemmañ al liamm evit m'ho kaso war-eeun d'ar bajenn emaoc'h o klask.

Gast a zo ur ger hag a gaver e meur a yezh.

Brezhoneg

Kar eo an anv brezhonek-se d'ar ger kembraek gast, a dalveze kiez e brezhoneg gwechall, evel e kembraeg hiziv.

Er C'hatolicon emañ ar ger :

Gast, g. putain, l. puida. Item ganea. Item cest lecherie ; uide in gruec foll^[1].

Dianav eo gerdarzh gast hervez Albert Deshayes^[2] met hervez Yves Le Berre e teu eus ar galleg gaste evel testeni eus levezon an ideologiezh war ar skiant^[3].
Eus gaste ivez e teu ar ger brezhonek heñvelster gwastañ, hag e zeveradennoù, koulz hag ar gerioù gallek gâter, gâteux, dégàt, ravager.

Deuet eo ar ger gast da vezañ implijet e genoù ar wazed evit ur rumm maouezi e-lec'h loened, ma'z eo bet savet ar ger kiez da ober kemm etre tud ha loened. Evel kunujenn, sakreadenn pe estlammadell e vez implijet gast bremañ na mui na maez.

Galleg

Un anv-lec'h gallek eo gast ivez e Breizh-Uhel hag e Normandi, deuet eus ar galleg kozh gaste diwar ar ger latin vastus, a veze graet eus ul lec'h gwastet, douar fall, mat da vagañ deñved pe givri
Kar dezhañ e vefe an anvioù-lec'h Gâtinais, kontelezh kozh, Gâtinois, ha Gâtine ; kenorin e vefe ar ger flandrezek wastina, a dalvez kement ha maez distruj.

Breizh-Uhel

Montreuil-le-Gast, pe Mousterel-ar-Gwast, e Bro-Roazhon
Le Gast, karter e Maurepas, e Roazhon.

Normandi

E Normandi e kaver ivez ar stumm Vast : Le Vast, Hardinvast, Tollevast, Martinvast, Sottevast.

Mayenne

Saint-Denis-de-Gastines (Mayenne)

Anvioù-tud

Dugast.

Yezhoù all

Gast, e nederlandeg hag an alamaneg, kar d'ar ger saoznek guest.
Gast, e svedeg hag e hensaozneg, kar d'ar ger saoznek ghost.

Pennadoù kar

Notennoù

↑ 'Catholicon'. Kavet : 15 DU 19.
↑ Deshayes, Albert: Dictionnaire étymologique du breton, Le Chasse-Marée, 2003 (ISBN 978-2-914208-25-3)
↑ Le Berre, Yves : Anthologie des expressions de Basse-Bretagne, Éditions Armeline,2006 (ISBN 978-2-910878-06-1)

[1] 'Catholicon'. Kavet : 15 DU 19.

[2] Deshayes, Albert: Dictionnaire étymologique du breton, Le Chasse-Marée, 2003 (ISBN 978-2-914208-25-3)

[3] Le Berre, Yves : Anthologie des expressions de Basse-Bretagne, Éditions Armeline,2006 (ISBN 978-2-910878-06-1)

[1]

[2]

[3]