Gregor Teurgn

Gregor Teurgn (Georgius Florentius Gregorius e latin, Grégoire de Tours e galleg a vremañ), a voe ganet e Riom, e-tal Clermont war-dro 538, en ur familh eus an noblañs alvernat, hag a varvas e Teurgn war-dro 594, a voe eskob Teurgn er VIvet kantved. Brudet eo e skridoù diwar-benn istor an Iliz, ar Franked, hag Arvern.

Gregor Teurgn

den

Reizh pe jener	paotr
Anv e yezh-vamm an den	Grégoire de Tours
Anv ganedigezh	Georgius Florentius
Anv-bihan	Gregor
Deiziad ganedigezh	30 Du 538
Lec'h ganedigezh	Arvern
Deiziad ar marv	17 Kzu 594
Lec'h ar marv	Teurgn
Kar	Gregory of Langres, Gall of Clermont
Yezhoù komzet pe skrivet	latin
Yezh implijet dre skrid	latin
Micher	hagiographer, skrivagner, istorour, beleg katolik
Karg	Eskob
Bet studier da	Gall of Clermont, Avit of Clermont
Strollad etnek	Roman Gaul
Relijion	kristeniezh, Iliz katolik roman
Stad ar c'hanonizasion	prelate, sant katolik
Gouel	17 a viz Du
Oberenn heverk	Historia Francorum
Statud e wirioù aozer	Ar gwirioù aozer ne dalvezont ket ken

Gregor Teurgn

E vuhez

E dad Florentius a oa un noblañs arvernat, hag a oa bet senedourien e dad hag e dad-kozh Georgius. E eontr Gallus Clermont a oa bet eskob Clermont (hiziv Clermont-Ferrand, en Alvern). Dre e vamm e oa kar da eskibien Lyon, Sacerdos ha Nizier Lyon, ha da eskibien Langres, Gregorius Langres (anezhañ e teu e anv-badez) ha Tetricus Langres.

Mervel a reas e 594 e Teurgn e lec'h ma oa bet dilennet evel eskob e 593. Lakaet e voe da sant ha lidet e vez e c'houel d'ar 17 a viz Du.

Klasket en deus difenn gwirioù an Iliz pa oa reuz bras etre ar pennoù uhel frank. Mont a reas a-enep Chilperig ha staliañ a reas ar feur-emglev sinet en Andelot etre Childebert II, roue Aostrazia ha Gontran, roue Burgondia (587).

Kronikour

Evel kronikour istorel eo anavezet Gregor a Deurgn p'eo gantañ eo bet savet Historia Francorum (Istor ar Franked) e 40 levrenn.

Buhezskridoù sent zo bet savet gantañ ivez. Ur vammenn a-bouez bras eo Historia Francorum evit istor Breizh er c'hantvedoù kentañ.

Rebechet ez eus bet dezhañ bezañ re domm ouzh e bobl ha neuze barnañ ar Vrezhoned hep neptuegezh, da lavarout eo kavout si enne dalc'hmat.

Oberennoù

An Dek Levrad Istor pe Istor ar Franked

Gregor Teurgn, Histoire des Francs, levrennoù eus 1 da 6, pajenn talbenn. Luxeuil pe Corbie, dibenn ar Patrom:VIIe siècle. BnF, Manuscrits, Latin 17655 fol. 2.

Decem libri historiarum eo anv al levr, ma venn an oberour kontañ istor ar bed hag an Iliz, adalek amzer ar C'heneliezh betek hini ar Rouaned frank, en Ebrel 591, astennet gant Libri octo miraculorum (Levr ar Burzhudoù) un dastumad buhezioù sent, eus Galia, savet e 574, goude marv Gregor.

Mont a ra an darn vrasañ eus ar skrid gant Galia dindan ar Franked, aneveztoc'h gant gregor eget peurrest ar bed : pemp eus an dek levr, ha Levr ar Burzhudoù ivez, zo gouestlet d'an amzer ma veve an oberour.

Dre al levr-se eo ez eo anavezet istor lestr Soissons.

Levrlennadur

Diwar-benn amzer rouaned ar Franked

• Luce Piétri, La ville de Tours du IV^e au VI^e siècle, coll. École française de Rome, 1983
• Bruno Dumézil, La Reine Brunehaut, Fayard, Paris, 2008

Diwar-benn Gregor Teurgn

• Abbé Odoat, La vie de Grégoire de Tours, enlinenn : Remacle.org
• Article "St. Gregory of Tours", dans Catholic encyclopedia, enlinenn : Newadvent.org
• Charles Lelong, Grégoire de Tours. Sa vie et son œuvre, CLD, Chambray (37), 1995. (ISBN 2-85443-285-1)

Diwar-benn oberenn Gregor Teurgn

• Martin Heinzelmann, Grégoire de Tours, père de l’histoire française? en « histoire de France, historiens de la France »
• Jean Verdon, Grégoire de Tours « Le père de l’Histoire de France », Horvath, 1989, Saint-Étienne
• Grégoire de Tours (538-594) Père de l’histoire de France, Rouen, 1994
• Martin Heinzelmann, Gregory of Tours: history and society in the 6^th Century. Cambridge, CUP 2001
• P. Fouracre, « Merovingian History and Merovingien Hagiography », Past and Present, 127, 1990
• W. Goffart, The Narrators of Barbarian History : Jordanes, Gregory of Tours, Bede and Paul Deacon, Princeton, 1988, pages 112-134.
• Nira Pancer, Sans peur et sans vergogne. De l'honneur et des femmes aux premiers temps mérovingiens, Éditions Albin Michel, « Bibliothèque Histoire », Paris, 2001, 320 p. (ISBN 2-226-12133-1), p. 50-53.