Kevezadeg bed ar Formulenn 1 1976
| Kevezadeg bed ar Formulenn 1 1976 | |||
| Kampion ar vlenierien: James Hunt Kampion ar saverien: McLaren-Ford | |||
| A-raok: | 1975 | War-lerc'h: | 1977 |
Kevezadeg bed ar Formulenn 1 1976 a oa bet gounezet gant ar blenier saoz James Hunt gant McLaren-Ford. Aet maout ar saverien gant Ferrari.
Reolennoù sportel
kemmañ- Roet e vez ar poentoù hervez ar feurbriz 9, 6, 4, 3, 2, 1.
- Nemet 7 gwellañ disoc'h an 8 abadenn kentañ ha 7 gwellañ disoc'h an 8 abadenn diwezhañ ne vez miret evit ober ar renkadur.
Reolennoù teknikel
kemmañ- Kefluskerioù aergelc'h : 3000 cm³.
- Kefluskerioù turbo : 1500 cm³.
Blenierien ha kirri
kemmañ
Merket a oa bet an etre-mareoù gant disparti Emerson Fittipaldi eus McLaren da Gopersucar-Fittipaldi, krouet ar bloavezh a-raok gant breur Emerson, Wilson. Erlec'hiet eo bet ar brazilian gant James Hunt. Dont a ra ar souezhenn eus Tyrrell a grou ur c'harr gant 6 rod : 4 rodig-ren dirak ha 2 rod glasel a-dreñv). Anvet Tyrrell P34, lesanvet ar 6 rod, krog eo ar Formulenn 1 ganti e Priz Bras Bro-Spagn.
Diverradenn kevezadeg 1976
kemmañ
Daoust daou blas pol James Hunt gant McLaren-Ford e c'hounez Niki Lauda gant Ferrari an daou redadeg kentañ e Brazil hag e Suafrika, pa c'hounez Clay Regazzoni e Long Beach. Kastizet eo bet Hunt e Bro-Spagn daoust ma en deus gounezet, ar pezh a ro an trec'h da Lauda, a c'hounez c'hoaz e Belgia hag e Monako, ar pezh a ra 5 trec'h e 6 redadeg.
E Sveden a c'hounez an Tyrrell P34 gant 6 rod, Scheckter dirak Depailler, an daou vlenier Tyrrell dirak Lauda a ren ar gevezadeg, 32 poent dirak Scheckter.
E Bro-C'hall ez eus un dro-gorn er gevezadeg peogwir a ya ar maout gant James Hunt, ha peogwir ar FIA a freuz kastiz komiserien Bro-Spagn ha reiñ a ra trec'h Priz Bras Bro-Spagn da Hunt en dro. Chom a ra Lauda e penn ar gevezadeg, 52 poent, dirak Hunt, 26 poent. Gounit a ra c'hoazh Hunt e Brand Hatch, e Priz Bras Breizh-Veur, daoust ma zo gwelet iskis an trec'h-se peogwir a zo aet Hunt en dro war an troiad en un doare direizh.
Pa erru ar Formulennoù 1 en Alamagn emañ Lauda 23 poent. Redet e vez Priz Bras Alamagn war an Nürburgring, un troiad spontus a bad 22 kilometr, strizh, bosigernet ha gant ur savete a lakaat an dud da gaozeal. Koll a ra Lauda kontrol e garr e-pad ar redadeg, o koll e dok-houarn, pa flamm e garr. Saveteet eo bet Lauda gant kalon ar vlenierien-all Brett Lunger, Arturo Merzario, Harald Ertl ha Guy Edwards). Devet eo Lauda war e dremm hag enanalet en deus aezhioù pistri. Galvet eo bet ur person evit nouenniñ Lauda. Gounit a ra James Hunt ar Priz Bras.
Div sizhun war-lec'h eo diank ar Scuderia Ferrari en Aostria. Hunt a echu ar redadeg 4 pa c'hounez ar barvek John Watson war Penske. Pariet en deus Watson gant e rener ne vije bet troc'het e varv nemet goude e drec'h kentañ gant Penske. En Izelvroioù a ya ar maout gant James Hunt, pa zo diank Lauda c'hoazh.
Ober a ra Lauda e distro e Monza, 6 sizhun goude e gwallzarvoud spontus, o souezhañ ar re a labour e Formulenn 1, e implijer ivez. Gopraet a oa bet gant Ferrari Carlos Reutemann, faezhet gant e Vrabham-Alfa Romeo, evit erlec'hiañ Lauda. Neuze eo bet enrollet tri Ferrari en Italia. Adkemer a ra Lauda (o echuiñ 4) 3 foent da Hunt a zilezel goude bezañ krog e foñs ar gael. Un nebeud deiziadoù war-lec'h eo bet kastizet evit e fazi e Breizh-Veur. 17 poent dirak Hunt emañ Lauda goude Priz Bras Italia.
Dilezel a ra Lauda Priz Bras Kanada pa c'hounez Hunt, a gemer ar maout e-pad Priz Bras Stadoù-Unanet ar Reter, Lauda o echuiñ 3. 3 foent war-lec'h Lauda emañ Hunt.
Ar Priz Bras diwezhañ a zo redet e Bro-Japan e Menez Fuji, a zegemer evit ar wech kentañ un abadenn Formulenn 1. Spontus eo an amzer, oc'h ober glav kalet-tre. Dilezel a ra e-unan Niki Lauda e-pad an eil dro o reiñ an titl da James Hunt. Bras eo an fourgas, memes evit Hunt a zo tost da goll pep tra gant dic'hwez e vandenn-rod, met deuet eo da vat a-benn ar fin da vont betek an zonedigezh en trede blas. O krediñ en doa kollet an titl a zo tost Hunt da skeiñ e rener sportel Teddy Meyer en doa c'hoant da c'hourc'hemenn anezhañ.
Prizioù Bras ar bloavezh 1976
kemmañ
Renkadur ar vlenierien
kemmañ| Renkadur | Blenier | Bro | Karr | Poentoù |
|---|---|---|---|---|
| 1añ | James Hunt |  Rouantelezh-Unanet |
McLaren-Ford | 69 |
| 2l | Niki Lauda |  Aostria |
Ferrari | 68 |
| 3 | Jody Scheckter |  Suafrika |
Tyrrell-Ford | 49 |
| 4 | Patrick Depailler |  Bro-C'hall |
Tyrrell-Ford | 39 |
| 5vet | Clay Regazzoni |  Suis |
Ferrari | 31 |
| 6vet | Mario Andretti |  Stadoù-Unanet |
Parnelli-Ford ha Lotus-Ford | 22 |
| 7vet | John Watson | Rouantelezh-Unanet |
Penske-Ford | 20 |
| 8vet | Jacques Laffite | Bro-C'hall |
Ligier-Matra | 20 |
| 9vet | Jochen Mass |  Alamagn |
McLaren-Ford | 19 |
| 10vet | Gunnar Nilsson |  Sveden |
Lotus-Ford | 11 |
| 11vet | Ronnie Peterson | Sveden |
March-Ford | 10 |
| 12vet | Tom Pryce |  Kembre |
Shadow-Ford | 10 |
| 13vet | Hans-Joachim Stuck | Alamagn |
March-Ford | 8 |
| 14vet | Carlos Pace |  Brazil |
Brabham-Alfa Romeo | 7 |
| 15vet | Alan Jones |  Aostralia |
Surtees-Ford | 7 |
| 16vet | Carlos Reutemann |  Arc'hantina |
Brabham-Alfa Romeo | 3 |
| 17vet | Emerson Fittipaldi | Brazil |
Copersucar-Ford | 3 |
| 18vet | Chris Amon |  Zeland-Nevez |
Ensign-Ford | 2 |
| 19vet | Rolf Stommelen | Alamagn |
Brabham-Alfa Romeo | 1 |
| 20vet | Vittorio Brambilla |  Italia |
March-Ford | 1 |
Renkadur ar saverien
kemmañNotennoù ha daveoù
kemmañ- ↑ Nemet 7 gwellañ disoc'h an 8 redadeg kentañ ha 7 gwellañ disoc'h an 8 redadeg diwezhañ n'eo bet miret evit ar gevezadeg. An niverennoù hep krommell a zo poentoù ar gevezadeg, an niverennoù etre krommelloù a zo hollad ar skoroù.
- ↑ Implijet e vez ar bandennoù-rod Bridgestone evit ar wech kentañ e F1 e-pad Priz Bras Bro-Japan
Da welout
kemmañ- Ar film Rush, graet gant Ron Howard, a gont ar bloavezh 1976 e Formulenn 1.
|
Porched ar Formulenn 1 – Gwelit ar pennadoù hag ar rummadoù diwar-benn ar Formulenn 1 |