Ouest-France
Ouest-France zo ur gazetenn bemdeziek c'hallek graet e Roazhon, berliner he ment. Ur gazetenn rannvroel c'hall eo, evel ma tiskouez hec'h anv, hag astenn a ra he zachenn-kazetenniñ e teir rannvro ha 14 departamant eus kornôg Frañs. D'ar Sul e vez embannet ur Ouest-France Dimanche, hanter gelaouenn hanter gazetenn.
Istor
kemmañ
L’Ouest-Éclair a oa anv Ouest-France betek 1944, ur gazetenn bet krouet e 1899, ha cheñchet he anv gant an aotrouniezh c'hall nevez abalamour ma oa bet kenlabour gant ar c'hevreded alaman.
E-kreiz kêr Roazhon edo renerezh Ouest-France, met e miz Eost 1972 e voe kaset renerezh ha moulerezh e-maez kêr, da Gantpig, straed ar Breil. Un eil ti-moulañ zo bremañ e Kerc'hevrel, un ugent kilometr bennak eus Naoned. An holl gazetennoù ha kelanouennoù eus kornôg Frañs zo bet adbrenet gant ar stroll Ouest-France, ne chom nemet ur gazetenn hag a zo kevezer c'hoazh da Ouest-France, Le Télégramme e Breizh-Izel, e Penn-ar-Bed dreist-holl.
An hini vrasañ eus ar c'hazetennoù
kemmañAr gazetenn muiañ gwerzhet ha muiañ lennet e Frañs eo Ouest-France abaoe 1975. Ar gentañ gazetenn c'hallek er bed eo ivez. 49 embannadur lec'hel a zo e teir rannvro velestradurel : rannvro Breizh, Broioù al Liger ha rannvro Normandi, da lavaret e 14 departamant.
| 2014 | 2015 | 2016 | 2017 | 2018 | 2019 | |
|---|---|---|---|---|---|---|
| Kengreadur e miliadoù a euroioù | 311 655 | 304 467 | 295 527 | 291 086 | 295 997 | |
| Disoc'h rik e miliadoù a euroioùs | + 7 976 | + 43 757 | + 3 842 | + 4 660 | + 140 | |
| Koskor keitat bep bloaz | 1 524 | 1 461 | 1 442 | nc | 1 443 |
Roet e vez skoazadennoù da Ouest-France gant ar Stad gall, evel tost an holl gazetennoù. 3 989 248 € zo bet roet e 2019 da skouer[2].
Sed amañ sifroù pennañ ar skrignañ, hervez an OJD[3],[4] :
| Bloavezh | 1996 | 1997 | 1998 | 1999 | 2000 | 2001 | 2002 | 2003 | 2004 | 2005 | 2006 | 2007 | 2008 | 2009 |
|---|---|---|---|---|---|---|---|---|---|---|---|---|---|---|
| Skignañ hollek | 785 254 | 786 205 | 782 216 | 784 697 | 790 043 | 796 376 | 785 113 | 782 822 | 783 017 | 781 033 | 781 668 | 793 790 | 795 807 | 785 967 |
| Bloavezh | 2010 | 2011 | 2012 | 2013 | 2014 | 2015 | 2016 | 2017 | 2018 | 2019 | 2020 |
|---|---|---|---|---|---|---|---|---|---|---|---|
| Skignañ hollek | 780 779 | 766 970 | 767 434 | 751 225 | 731 725 | 712 500 | 693 794 | 685 096 | 661 016 | 646 853 | 637 463 |
Digreskiñ a ra gwerzhioù Ouest-France, evel an holl gazetennoù all. Kollet en deus 137 482 gwerzh skouerennoù paper e dek vloaz, etre 2009 ha 2018, un digresk a 17,5 % (mammenn OJD).
Al linenn stur
kemmañUr gazetenn gristen eo Ouest-France, ha « Justis ha Frankiz » eo he ger-stur. Klask a ra mirout ul linenn stur neptu peurliesañ evit chom hep feukiñ e lennerien niverus hag ar galloud politikel war un dro. Skrivet en deus François Régis Hutin, ar prezidant etre 1984 ha 2016, kalz pennadoù-stur a-du gant Unaniezh Europa, an deskadurezh hag ar peoc'h er bed. Stourmet en deus ar gazetenn evit Feur-emglev Maastricht (1992) hag arreizh al leveoù, met savet he deus a-enep an dimezioù etre paotred pe etre maouezed. E 2005 eo bet dizoloet e veze urzhiet pennadoù-skrid gant prefederez Rannvro Breizh[5],[6]. E miz Meurzh 2021 he deus embannet Jeanne Emmanuelle Hutin, ezel eus ar c'huzul-ren ha merc'h da François Régis, ur pennad-stur evit harpañ Nicolas Sarkozy, ar pezh en deus displijet d'ul lodenn eus ar gazetennerien[7].
Pennkazetennerien
kemmañ- Yves Le Dantec (-1968)
- Eugène Brulé (1968-1986)
- François-Xavier Alix (1986-1991)
- Didier Pillet (1991-2005)
- Jean-Luc Évin (2005-2014)
- François Xavier Lefranc (2014-)
Pennadoù kar
kemmañLevrlennadur
kemmañ- Guy Delorme, Ouest-France, histoire du premier quotidien français, éditions Apogée, Paris, 2004.
- Henri Fréville, La presse bretonne dans la tourmente (1940-1946), Plon, Paris, 1979. Un testeni a-enep an Emsav politikel ha sevenadurel. Adembannet gant ur goude-skrid a-zindan pluenn Françoise Morvan.
Liammoù diavaez
kemmañ- (fr) Lec'hienn ofisiel Ouest-France. Lenn a c'haller ar gazetenn bemdez aze.
- (fr) Cityguide de Ouest-France
Notennoù
kemmañ- ↑ Kevredad Ouest-France - bilañs e www.verif.com.
- ↑ https://www.data.gouv.fr/fr/datasets/aides-a-la-presse-classement-des-titres-de-presse-aides/
- ↑ Tirage et diffusion quotidienne d' Ouest-France d'après l'OJD.
- ↑ kazetennoù pemdeziek rannvroel (KPR) e www.acpm.fr.
- ↑ La préfecture commande des articles à Ouest-France e Agence Bretagne Presse, 20/12/2005.
- ↑ Patrom:Pennad-skrid.
- ↑ Des journalistes de Ouest-France se désolidarisent d’un éditorial sur Nicolas Sarkozy e Le Figaro, 13/3/2021
|
Porched Breizh – Adkavit pennadoù ha rummadoù Wikipedia a denn da Vreizh. |