Ovidius

den
Reizh pe jener	paotr
Bro ar geodedouriezh	Henroma
Anv e yezh-vamm an den	Publius Ovidius Naso
Praenomen	Publius
Nomen	Ovidius
Cognomen	Naso
Deiziad ganedigezh	20 Meu 43 BCE
Lec'h ganedigezh	Sulmona
Deiziad ar marv	17 CE
Lec'h ar marv	Constanța
Gens	Ovidia gens
Yezh vamm	latin
Yezhoù komzet pe skrivet	latin
Yezh implijet dre skrid	latin
Micher	barzh
Bet studier da	Marcus Porcius Latro
Lec'h annez	Constanța
Oberenn heverk	Metamorfozoù, Heroides, Ibis
Tachenn	Trajedienn
Present in work	Divina Commedia
Prantad	Impalaeriezh roman
Deskrivet dre	Monument to Ovid
Attested in	Mare Magnum volume 82
Oberennoù zo en dastumad	National Gallery of Art
Statud e wirioù aozer	Ar gwirioù aozer ne dalvezont ket ken
Tikedenn Stack Exchange	https://latin.stackexchange.com/tags/ovidius

Ovidius, pe Publius Ovidius Naso a oa ur barzh latin, ganet d'an 20 a viz Meurzh 43 kent JK e Sulmona, e kreisteiz Italia, ha marvet er bloavezh 17 goude JK, en harlu e Tomes, a zo Constanţa hiriv e Roumania.

Bevañ a reas da vare ginivelezh an impalaeriezh roman: ganet e oa bloaz war-lerc'h muntr Caesar, pa erruas Aogust er galloud, ha pa droas ar republik, gant skoazell ar sened roman, en un imapaleriezh. Mervel a reas tri bloaz war-lerc'h an impalaer kentañ.

E oberenn vrudetañ eo ar Metamorfozoù.

E vuhez

Ganet e oa en un tiegezh marc'heion. Studiañ a reas ar retorik e Roma. Dilezel a reas al labour war ar gwir hag ar velestradurezh, ha brudet e voe gant e varzhonegoù.

D'e 18 vloaz e voe aotreet gant e dad da vont da veajiñ da Hellaz. Roud ar veaj-se a verko e oberenn. Pa voe 40 vloaz e tilezas ar varzhoniezh erotek evit skrivañ ar Metamorfozoù, barzhoneg ennañ 12 000 hegzametr daktilek rannet e 15 levr, diwar-benn ar mojennoù hellazat ha roman.

D'an 19 a viz Du er bloavezh 8 goude JK e voe harluet Ovidius da aod ar Pont-Euxin. Mont a reas da chom da Domes (Constanţa en Roumania hiziv) dre urzh Aogust, ar perag n'ouzer ket. Hervez an abeg ofisiel (diaes da grediñ pa seller ouzh oberennoù tud all) eo dre ma oa anv eus buhez diroll en e levr An Arz da garout. Tud zo a lavar e oa deuet Ovidius da vezañ serc'heg Julia, merc'h Aogust, hag e vije bet displijet-bras an tad.
Erruout a reas e Tomes d'an 9 a viz Mae eus ar bloaz 9, ha mervel eno 8 vloaz goude. E seizh gwellañ a reas da zistreiñ, met ne voe ket aotreet.
Ne voe ket kaset e gorf da Roma en-dro.