Preden

Preden zo un anv brezhonek, deuet eus an henvrezhoneg, hag a vez graet eus Enez Vreizh, dreist-holl a-raok krouidigezh Bro-Saoz, er Grennamzer. Diwar an anv Preden eo bet savet ar gerioù predeneg ha predenek.

Lec'hanvadurezh

An anv Preden, a gaver en anvioù-lec'h Rosporden ha Trebeurden, a zo kar da anv kembraek Prydain, anv Breizh-Veur e kembraeg.

Kavout a reer an anv preden e brezhoneg adalek 1930, meneget eo :

e Gwalarn, niverenn 23, embannet e 1930^[1];
e Geriadur Vallée^[2], embannet e 1931 ;
gant Abeozen e-barzh Yezadur berr ar c'hembraeg, Gwalarn, niverenn 51, embannet e 1933, ma kaver ar ger deveret predenek^[3];
gant Roparz Hemon e-barzh Istor burzudus hon tadou, Gwalarn, niverenn 94, embannet e 1936, ma kaver ar ger deveret predeneg^[4];
gant Arzel Even e-barzh Istor ar Yezhoù keltiek, embannet e 1962;
e Grand choix de prénoms bretons, Coop Breizh, 1985^[5]