Pried

Ar ger pried a vez implijet, en ul live yezh uhelik, da gomz eus un den dimezet, da lavarout eo:

• e-lec'h ar ger gwaz, evit ur paotr;
• e-lec'h ar ger gwreg, evit ur plac'h (lavaret e vez ivez: gwreg-pried pa vez c'hoant da lakaat kemm etre paotr ha plac'h).

Ar priedoù a vez lâret el liester, hag an dud nevez da zeiz eured ar priedoù. An daou bried, a vez lavaret ivez.

Gerioù enebet

Enebet eo ar ger pried

• ouzh ar gerioù all a sell ouzh an tiegezh (ma fried/ ma zad)
• ouzh gerioù all a denn d'ar gevredigezh e-maez an tiegezh, evel e bried/e serc'h, pe he mevel/ he fried.

Gerioù kar

• ar briedelezh, ur stad a vuhez
• ar verboù priediñ ha dibriediñ, heñvelster gant dimeziñ ha dizimeziñ.

Er gevredigezh

Dous ha feal e rank an daou bried bezañ an eil ouzh egile, hervez ar relijion evel hervez al lezenn.

Pa vez taolioù ha fest ar vazh er gêr e vez komzet eus gwall bried.

Er gwerzioù

• Pell zo e vijen dimezet, Penevert kaout gwall bried... Ma ho poa aon rak gwall bried, E-leal! C'hwi a zo tapet!, e-barzh Frañsoazig ha Pierig, Sonioù Breizh Izel, Fañch an Uhel, (levrenn gentañ, pajenn 332)

Pennadoù kar dre ar ster

• priedelezh

Notennoù ha daveennoù

Sellit ouzh ar ger Pried er
wikeriadur, ar geriadur frank.